आपण माणसं नेहमीच आवश्यकता नसताना काही काही कामं करत असतोय पण त्याला मिळणारा आनंद हा त्याच्यासाठी महत्वाचा असतो. काही जणांना बसल्याबसल्या बोटं मोडायची सवय असते. बोटं मोडताना हाडातून येणारा आवाज ऐकून त्यांना आनंद होतो. त्यामुळे गरज नसताना दिवसभरात अनेकदा लोकं बोट मोडतात. Dr Karl Kruszelnicki यांनी आपल्या टिकटॉक अकाऊंटवर एक व्हिडिओ शेअर केला आहे. त्यात त्यांनी असा दावा केला आहे की, बोटं सारखी मोडल्यामुळे शरीराच्या सांध्यांमध्ये गॅप्स येऊ लागतात. त्यामुळे असे केल्याने भविष्यात त्यांना अनेक समस्या येऊ शकतात.

येऊ शकतात या समस्या

व्हिडिओत केलेल्या दाव्यानुसार हात किंवा बोटं मोडण्याच्या सवयीमुळे शरीराची 75 टक्के पकड सैल होऊ लागते. हे चिंतेचे कारण आहे. काही काळापूर्वी एका तज्ज्ञाने हा समज खोटा ठरवला होता. त्याने म्हटले होते की, सांधेदुखीचा त्रास हा बोटे मोडल्याने होतो. तर Dr Karl Kruszelnicki म्हणतात की, सांधेदुखी नाही तर पकड सैल होण्याचा धोका नक्की निर्माण होतो. याकडे दुर्लक्ष करता कामा नये.

सांध्यांना येऊ शकते सूज

डॉक्टरांच्या म्हणण्यानुसार, जे लोक रोज बोटे मोडतात, त्यांची हाताची पकड सामान्यांपेक्षा ७५ टक्के कमी होते. Dr Karl Kruszelnicki यांनी ३५ वर्षे नियमित बोटे मोडणाऱ्या ३०० लोकांचे सर्वेक्षण केले. त्यांच्या तपासणीत सांधेदुखीसारखा कोणताही मोठा आजार आढळला नाही, पण, त्यांच्या सांध्यांमध्ये सामान्य लोकांपेक्षा जास्त सूज आढळून आली. जेव्हा आपण अशाप्रकारे बोटे मोडतो तेव्हा सांधे आणि हाडातील जागा मोठी होते. ही जागा मज्जासंस्था (लिगामेंट्स) शोषून घेते. त्यामुळे शरीरातील गॅस वाढण्याची शक्यता असते. त्यामुळे सावध राहून या सवयीपासून दूर राहणे गरजेचे आहे.