ऑस्कर पुरस्काराच्या वेळी जे घडलं त्यानंतर विल स्मिथची बायको जेडा पिंकेट हिच्या आजाराची बातमीही वेगाने पसरली. त्यानंतर एलोपीशिया एरियाटा हा आजार म्हणजे काय त्याची लक्षणे याबाबात सोशल मीडियावर चर्चा सुरू झाली आहे. त्यामुळे हा आजार कसा असतो? त्याची लक्षणं माहिती असणं गरजेचं आहे.

एलोपीशिया एरियाटा आजार कसा असतो?

अमेरिकेच्या आरोग्य आणि मानव सेवा विभागाच्या मते, एलोपेशिया एरियाटा प्रकारात रोगप्रतिकारक शक्ती केसांच्या मुळांवर हल्ला करते. त्यामुळे केस प्रचंड प्रमाणात गळायला लागतात. यामुळे तुमच्या डोके आणि चेहऱ्यावरील केसांवर परिणाम होतो. सुरूवातीला कमी प्रमाणात केस गळतात. पण त्यानंतर काही वेळा मोठ्या प्रमाणात केसगळती सुरू होते. हा आजार झालेले बहुतेक लोकं निरोगी असतात. त्यांना इतर कोणतीही लक्षणे आढळून येत नाहीत.

किती प्रकार - आरोग्य तज्ज्ञांच्या मते, तीन प्रकारे तुमचे केस गळू शकतात.

पॅची - हा सर्वात सामान्य प्रकार असून त्यात केस नाण्यांच्या आकाराच्या पॅचच्या स्वरूपात गळू लागतात. डोक्यापासून किंवा शरीराच्या इतर भागांपासून अशी केसगळती सुरू होते.

टोटालिस- या प्रकारात तुमच्या डोक्यावरील केस पूर्णच गळतात.

यूनिवर्सालिस- हा एक दुर्मिळ प्रकार आहे. याच डोके, चेहरा आणि शरीराच्या इतर भागातले केस पूर्णपणे गळतात.

जेडा पिंकेट स्मिथला आहे हा आजार

जेडा पिकेंटने २०१८ साली एका मुलाखतीदरम्यान या आजाराविषयी सांगितले होते. जेव्हा एलोपेशिया सुरू झाला तेव्हा त्याला सामोरे जाणे भीतीदायक होते. आंघोळ करताना हात भरून केस गळायचे. त्यादरम्यान तिने केस कापण्याचा निर्णय घेतला.