कोरोनाचे रूग्ण (Corona) वाढत असल्याने परत लोकांच्या मनात भिती निर्माण झाली आहे. सरकारनेही पुन्हा निर्बंध लागू केले आहेत. नागरिकांनी नियमांचे उल्लंघन करू नये आणि सुरक्षित राहावे यासाठी अनेक राज्य सरकारांनी लॉकडाउन देखील लागू केले आहेत. त्यामुळे लोकांना सकाळ-संध्याकाळ वॉक (Walk) ला जाणे सुरक्षित आहे का? असे वाटायला लागले आहे. याविषयी डॉक्टरांनी मार्गदर्शन केले आहे.

पहाटे व्यायाम करण्याचा डॉक्टरांचा सल्ला

निओ हॉस्पिटले डॉ. अकिंत जैन यांनी शक्य असल्यास घरीच व्यायाम करण्याचा सल्ला दिला आहे. जर तुमच्या डॉक्टरांनी तब्येत बघून बाहेर फिरायला जाणे गरेजेच आहे, असे सांगितले असल्यास योग्य काळजी घेऊन घराबाहेर पडावे. पण सामाजिक अंतर आवर्जून पाळावे असेही ते सांगतात. तिसऱ्या लाटेची शक्यता बघता सरकारने पुन्हा नव्याने निर्बंध लादले असले तरी यावेळी लोकांनी व्यायाम न सोडल्याचे दिसून येत आहे.अनेक लोकं व्यायामासाठी एकत्र येत आहेत. यावर डॉ. जैन यांनी लोकांना पहाटे फिरण्याचा सल्ला दिला आहे. पहाटे ४.३० ते ५ दरम्यान कोणीही फिरायला जात नाही. अशावेळी तुम्ही लवकर उठून जाण्याचा प्रयत्न केल्यास त्याने तुम्हाला फायदाच होईल. फिरायला गेल्यावर बेंचवर बसू नका. किंवा कुठेही स्पर्श करू नका. घरी गेल्यावर लगेच आंघोळ करा. स्वच्छता राखा. मधुमेही, जास्त वजन असलेल्या लोकांनी मात्र आवर्जून सगळी काळजी घेत व्यायाम करायला हवा.

१५-२० मिनिटांचे चालणे फायदेशीर ठरेल

तुमच्या भागात रूग्णसंख्या कमी असेल तर, अशावेळी तुम्ही मास्क घालून तुम्ही जवळच्या परिसरात 15 ते 30 मिनिटं फिरायला जाऊ शकता, असेही डॉक्टर सांगतात. पण फिरायला जाताना फार लोकांशी बोलत थांबू नका. गर्दी टाळा. कारण सध्याचा संसर्ग वेगाने पसरतो आहे. त्यामुळे काळजी घ्या.