अनेकांच्या खाण्यामध्ये दह्याचा समावेश असतो. अनेकजण जेवणामध्ये दहीला महत्त्वाचे स्थान देतात. दररोज दही खाल्ल्याने ताजेतवाणे राहण्यासाठी मदत होते. तसेच पचन संस्था चांगली राहते. यामुळे पोटासंबंधी समस्याही कमी होतात. ऑस्टियोपोरोसिस, ब्लड प्रेशर, केस आणि हाडांसाठी दहीचे सेवन फायद्याचे ठरते. दही प्रोटीन, कॅल्शियम, रायबोफ्लेविन, विटॅमिन B6 आणि विटॅमिन B12 ने युक्त असते. जेवणासोबत दही खाण्याचे अनेक फायदे आहेत. यामुळे जेवणाचा केवळ स्वाद वाढत नाही, तर यामुळे पचन शक्ती मजबूत होते. जेवल्यानंतर दहीमध्ये साखर किंवा गुळ टाकून आल्याने शरीरातील टॉक्सिक यूरेन बाहेर टाकण्यास मदत होते. 

दही खाण्याचे फायदे

-रोज दही खाल्ल्याने हाय ब्लड प्रेशरचा धोका मोठ्या प्रमाणात कमी होतो. तसेच हृदयासंबंधी अनेक आजार दूर करण्यास दह्याची मदत होते. 
-दहीला तुम्ही डोक्यावर किंवा त्वचेवर लावू शकतात. याचे चांगले परिणाम तुम्हाला पाहायला मिळू शकतात. डॅंड्रफपासून दूर राहण्यासाठी दह्याचा प्रचंड फायदा होतो. यासाठी दह्याला डोक्याला लावून तो अर्ध्या तासाने धुवून घ्या. 
-दही फॅटचे चांगले फॉर्म आहे. दह्यामध्ये दूधा इतके पोषक तत्वे असतात. दह्यामध्ये कॅल्शियम मुबलक प्रमाणात असते. दही खाल्ल्यामुळे दात आणि हाडे मजबूत होतात. तसेच ऑस्टियोपोरोसिसचा धोकाही कमी होतो. 
-दही खाल्ल्याने तणाव कमी होतो. दही एनर्जी बुस्टर म्हणून कार्य करते. हे एक अँटीऑक्सिडेंटसारखं काम करतं. तसेच शरीराला हायड्रेडही करते. 
-दह्यामुळे निद्रानाशाची समस्या दूर होते.

झोपेच्या आधी कोमट दुधात 1 चमचा बडीशेप प्या, हे आहेत फायदे

रात्री खाऊ नका दही

आयुर्वेदात सांगण्यात आलंय की, रात्री दही खाणे टाळायला हवे. रात्री दही खाल्ल्याने शरीरासाठी एक प्रकारे हानीकारण ठरु शकते. रात्रीच्या वेळी शरीरात नैसर्गिकरीत्या पित्ताचे प्रमाण वाढत राहते. तसेच रात्री दही खाल्ल्याने पोटासंबंधी अनेक समस्या निर्माण होऊ शकतात. अनेक तज्ज्ञांच्या म्हणण्यानुसार, रात्री दही खाल्ल्याने फूड पॉयझनिंगची समस्या निर्माण होऊ शकते. त्यामुळे शक्यतो रात्री दही खाणे पूर्णपणे टाळा.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)