तुम्ही 7-8 तास झोपता पण तरीही सकाळी उठल्यावर तुम्हाला थकल्यासारखे वाटते का ? असे असेल तर सकाळी (Morning) उठल्यावर तुम्हाला व्यायाम (Exercise) करणे गरजेचे आहे. तुमचा दिवस चांगला जावा आणि थकवा दूर व्हावा यासाठी एक चांगला मार्ग म्हणजे काही बॉडी स्ट्रेचेस केल्याने तुमचे शरीर स्थिर होण्यास मदत होईल. आयुर्वेदिक डॉ नितिका कोहली यांच्या मते, चांगले आरोग्य (Health) मिळण्यासाठी प्रत्येकाने प्रयत्न केले पाहिजेत आणि त्यासाठी बॉडी स्ट्रेचिंग केले पाहिजे. बॉडी स्ट्रेचिंग केल्याने शरीराला अनेक फायदे (Benefits)होऊ शकतात.

हे होतात फायदे

स्ट्रेस कमी होतो(Stress reliever)

जागे झाल्यावर आपण दिवसभराच्या कामाचा ताण घेतो पण, आधी तुमचे संपूर्ण शरीर स्ट्रेच करण्यावर लक्ष केंद्रित करा.

तुमची गतीशीलता वाढते (Increase your mobility)

स्ट्रेचिंगमुळे तुमचे स्नायू लवचिक राहतात. लवचिकता असल्यामुळे सांध्यातील हालचालीं अधिक चांगल्या पद्धतीने कार्य करतात. तसेच मॉर्निंग स्ट्रेचमुळे तुमच्या सांधे आणि स्नायूंमधील वेदना कमी होण्यास मदत होते.

पाठ दुखणे कमी होते (Low Back Pain)

जास्त वेळ बसून राहिल्यानंतर पाठीच्या खालच्या बाजूचे स्नायू संकुचित होऊ शकतात. मग पाठ किंवा कंबर दुखायला लागते. अशावेळी तुमच्या दिवसाची सुरुवात स्ट्रेचने करा. नियमित स्ट्रेचिंगमुळे शरीराची ठेवण सुधारण्यास मदत होते.