वाफाळत्या गरमागरम अशा चहाचे तुम्ही दिवाने असालच! दिवसाची सुरवातच एका मस्त चहाने होत असेल. दिवसभरातही अध्येमध्ये चहाचा आस्वाद घेऊन तुम्ही तुमचा कंटाळा आणि मूड ठिक करत असाल. मात्र, हाच चहा तुमच्या आरोग्यासाठी धोकादायक देखील ठरू शकतो. हो, हे खरंय! मर्यादीत चहा पिल्याने तुमचा थकवा, डोकेदुखी, आळस आणि कंटाळा दूर होऊ शकतो. मात्र अधिक चहा पिल्याने तुम्ही अनेक गंभीर अशा आजारांच्या तावडीत सापडू शकता.  चहामध्ये मोठ्या प्रमाणावर कॅफीन आणि टॅनिनसारखे घटक असतात जे तुमच्या शरीरासाठी अत्यंत धोकादायक ठरु शकतात. त्यामुळे चहा किती प्रमाणात पिला पाहिजे तसेच त्याहून अधिक चहा पिणे कसे नुकसानकारक ठरू शकते याबाबतच आपण माहिती घेणार आहोत. 

हेही वाचा - वारंवार लघुशंका येत असल्यास ती आहेत गंभीर आजाराची लक्षणे
एका दिवसात किती कप प्यावा चहा
भारतीय लोकांना चहाची तलप मोठ्या प्रमाणावर असते. मात्र, एका दिवसात जास्तीतजास्त 2 ते 3 कप चहा आपल्यासाठी योग्य असतो. एक कप चहामध्ये जवळपास 20 ते 60 ग्रॅम कॅफिनचे प्रमाण सापडतं, जे आपल्या चहाच्या कपाच्या आकारावर अवलंबून असतं. अशावेळी कॅफीन अधिक प्रमाणात आपल्या शरीरात जाणे आपल्यासाठी घातक ठरू शकतं. 

आयरन आणि प्रोटीनवर परिणाम
चहामध्ये मोठ्या प्रमाणावर टॅनिन प्राप्त होतं. त्यामुळे शरीरात आयरन आणि प्रोटीन शोषून घेण्याची क्षमता कमी होते. म्हणूनच अधिक प्रमाणात चहाचे सेवन करणे टाळले पाहिजे. दिवसभरात दोन-तीन कप चहा आपल्यासाठी अधिक असतो.

एँटीबायोटीक्स औषधांचा परिमाम होतो कमी
चहा एँटीबायोटीक्स औषधांचा परिणाम कमी करतो. एका रिपोर्टनुसार, चहा केमोथेरपी, क्लोजापाइन औषधांचा परिणाम कमी करतो.जर आपण एँटीबायोटीक्स औषधांचे सेवन करत असाल तर आपण चहाचे सेवन करणे टाळले पाहिजे. 

हेही वाचा - कोलेस्टेरॉल कसे नियंत्रित करावे? 5 गोष्टींमुळे वाढते तुमच्या कोलेस्ट्रॉलची पातळी

पोटाचे विकार
अधिक प्रमाणात चहाचे सेवन केल्याने पोटासंबंधी समस्या उद्भवू शकतात. त्यामुळे आपली पचनक्रिया बिघडते तसेच ऍसिडीटी, पोटात जळजळ यांसारख्या समस्या निर्माण होऊ शकतात. त्यामुळे दिवसातून दोन-तीन वेळा चहा घेतल्यानंतर अधिक चहा घेऊ नये. 

गर्भपाताचा धोका
गर्भावस्थेच्या दरम्यान चहाचे सेवन महिलांसाठी हानीकारक ठरू शकते. कॅफीनच्या अधिक प्रमाणामुळे पोटातील गर्भाला धोका असू शकतो. यामुळे गर्भपाताचा देखील धोका असतो. त्यामुळे गर्भावस्थेदरम्यान चहाचे अधिक सेवन टाळा. 

चक्कर येणे
अधिक प्रमाणात चहा पिल्याने चक्कर येणे, यांसारखी समस्या येऊ शकते. चहामधील कॅफीनमुळे ही समस्या येऊ शकते. शरीरामध्ये कमकुवतपणा येऊ शकतो.