अनेकांच्या घरी रोज अंडी किंवा अंड्याचे पदार्थ बनवून खाल्ले जातात. अंड शरीरासाठी खूप चांगलं असतं, पण रोज-रोज दुकानातून अंडी आणण्यापेक्षा लोकं थेट आठवड्याभराची अंडी एकदम आणून ठेवतात. बरं, ती बाहेर ठेवली तर स्टोअर करता येतील असं नाही त्यामुळं त्यांना ठेवण्याची उत्तम जगा म्हणजे फ्रिज.

अनेक लोकं आठवड्याभराची अंडी आणून फ्रिजमध्ये स्टोअर करतात. नाशवंत वस्तू लवकर खराब होतात आणि त्यांना स्टोअर करण्यासाठी आपल्याला लहानपणा पासूनच एकच वस्तू माहिती आहे ती म्हणजे फ्रिज. भाज्या, मासे अंडी, बटर अशा अनेक गोष्टी आपण फ्रिजमध्ये साठवून ठेवतो. अंडी फ्रिजमध्ये ठेवणं खरंतर बरोबर नाही. अंडी फ्रिजमध्ये ठेवले तर त्यामध्ये असे काही बदल होतात जे शरीरासाठी पोषक नसतात.

अंड्यांतील पोषक तत्त्वं कमी होतात

अंडी खाणं अरोग्यासाठी कितीही चांगलं असलं, तरीही ती फ्रिजमध्ये ठेवली तर त्याच्यामध्ये असणारी पोषक तत्वं कमी होतात. ज्यामुळं अंड्यांचं सेवन करुनही त्यापासून मिळणारे पोषक घटक शरीराला मिळत नाहीत.

अंडी संक्रमित होतात

फ्रिजमध्ये ठेवलेली आणि सर्वसामान्य तापमानावर ठेवलेली अंडी चवीला वेगवेगळी लागतात. बऱ्याचदा जुन्या अंड्यांतून वासही येऊ लागतो. फ्रिजमध्ये अंडी ठेवल्यास ती सहजपणे संक्रमित होऊन इतर गोष्टींचंही त्यामुळं नुकसान होतं.

बॅक्टरिया वाढू शकतात

अंडी फ्रिजमध्ये चुकीच्या पद्धतीनं ठेवली तर त्यांच्यामध्ये साल्मोनेला बॅक्टेरिया वाढतो. ज्यामुळं आरोग्याला हानी पोहोचते.

उकडताना अंडी फुटतात

अंडी फ्रिजमध्ये ठेवल्यामुळं ती कमकुवत होतात. उकडताक्षणी पटकन तुटतात. त्या तुलनेनं सर्वसामान्य तापमानावर ठेवलेल्या अंड्यासोबत असं होत नाही.