मुंबई : कोरोना व्हायरस संपूर्ण जगभरात पसरलाय. दिवसेंदिवस कोरोनाचे रुग्ण मोठ्या प्रमाणात वाढतायत. जगभरात कोरोनामुळे मृत्यू होणाऱ्या लोकांचा आकडाही वाढत जातोय. कोरोनाच्या महाभयंकर महामारीपासून वाचण्यासाठी जगभरात मोठ्या प्रमाणात संशोधन सुरु आहे. जगभरात तब्बल १२० पेक्षा अधिक प्रकारच्या लसींचा शोध सुरु आहे. यापैकी २१ पेक्षा अधिक लसी या चाचण्यांच्या टप्प्यात आहेत. केवळ लसी नाहीत तर कोरोनावर औषधंही शोधली जातायत. गेल्या काही दिवसांमध्ये खरंतर फैबिफ्लू आणि डेक्सामेथासॉन सारखी औषध समोर आली आहेत, या औषधांच्या डॉक्टरांच्या निगराणीत चाचण्याही सुरु आहेत.

बापरे ! "...नाहीतर तब्बल '५० लाख' कर्मचारी होतील बेरोजगार", वाचा कुणी व्यक्त केलीये 'ही' भीती

दरम्यान आता यामध्ये आणखी एका वेगळ्या प्रकारच्या औषधाची भर पडताना पाहायला मिळतेय. स्वीडमनमधील एका कंपनीने कोरोनाला संपवण्यासाठी एक माऊथ स्प्रे तयार केलाय. संशोधकांचा दावा आहे की हा माऊथ स्प्रे काही मिनिटात कोरोनाचा खात्मा करू शकतो. इंग्रजी वेबसाईट CNBC च्या बातमीनुसार स्वीडिश लाईफ सायन्स एन्झायमेटिका ( Swedish life science company Enzymatica ) या कंपनीने कोरोना व्हायरसचा खात्मा करण्यासाठी एक माऊथ स्प्रे बनवलाय. कंपनीचा असा दावा आहे की त्यांनी बनवलेला स्प्रे कोरोना व्हायरसला काही मिनिटात मारू शकतो. 

मोठी बातमी - पावसाळ्यानंतर हिवाळ्यातही तापच, गारवा कोरोनासाठी अत्यंत पोषक; संशोधकांचा दावा

याबाबत समोर आलेय बातम्यांनुसार एन्झायमेटिका (Enzymatica) या कंपनीने स्पे बाबत २० जुलैला प्राथमिक रिपोर्ट जारी केलाय. या रिपोर्टमध्ये कंपनीने कोरोना व्हायरस (SARS-CoV-2) ला हा स्प्रे ९८.३ टक्के संपवू शकतो असं म्हटलंय. अमेरिकेतील मायक्रोबॅक लॅबॉरेटरीज इंक. मध्ये यावर अभ्यास करण्यात आला असल्याचं यामध्ये नमूद केलंय.  कंपनीचा असा दावा आहे की कोल्डझाईम माऊथ स्प्रे (ColdZyme Mouth spray) २० मिनिटात कोरोना व्हायरसला संपवू शकतो. कंपनीच्या अधिकच्या माहितीप्रमाणे हा स्प्रे इतर काही व्हायरसपासूनही आपला बचाव करू शकतो. हा स्प्रे आपल्याला सर्दी, खोकला आणि तापापासूनही दूर ठेवतो असंही कंपनी म्हणतेय.  

या कंपनीने एन्झायमेटिक 'ओरल स्प्रे'ला कोल्डझाईम असं नाव दिलंय. कंपनीने असं म्हटलंय की लॅब टेस्टचे नमवून असं सांगतात की हा माऊथ स्प्रे मानवी शरीराला विविध प्रकारच्या कोरोना व्हायरसपासून दूर ठेवण्यास फायदेशीर आहे. 

Swedish life science company Enzymatica made a mouth spray which can kill novel corona virus