Anonychia Congenita : आपल्यापैकी अनेकांनी अशा आजारांबद्दल ऐकले किंवा पाहिले असेल ज्याबद्दल ऐकले किंवा पाहिले तरी, अंगावर काटा येऊन भीती वाटालयला लागते.

अशाच एका भितीदायक आजाराचा फोटो सध्या सोशल मीडियावर मोठया प्रमाणात व्हायरल होत आहे. हा फोटो बघून प्रत्येकाच्या मनात हा भयानक आजार नेमका कोणता? असा असा प्रश्न नेटकऱ्यांना पडला आहे.

सध्या सोशल मीडियावर एका व्यक्तीच्या हाताचा फोटो व्हायरल होत आहे. हा फोटो एका Reddit यूजरने शेअर केला आहे. ज्यात त्याने काही लोकं नखांशिवाय जन्माला येत असल्याचे म्हटले आहे. नखं नसलेल्या हा फोटो पाहून नेटकऱ्यांमध्ये भीती पसरली असून, या आजाराचे नाव Anonychia Congenita असे आहे.

Anonychia Congenita हा एक दुर्मिळ आजार असून, यामुळे हाताची आणि पायांची नखं प्रभावित होतात. शेअर केलेला हा फोटो Reddit यूजरने 1 नोव्हेंबर रोजी शेअर करत Anonychia आजाराने ग्रस्त व्यक्तींना जन्मताच नखं नसतात. तसेच भविष्यातही या आजारात नखांची वाढ होत नाही.