Pediatrician warning on artificial food dyes: सध्याच्या व्यस्त आणि धकाधकीच्या जीवनशैलीमुळे आरोग्याकडे दुर्लक्ष होताना दिसते. लहानांपासून तर ज्येष्ठांच्या खाण्यापिण्याच्या सवयीत मोठा बदल झाला आहे. अपुरा वेळ आणि आळस यामुळे घरगुती अन्नपदार्थांपेक्षा प्रोसेस्ड फूड किंवा बाहेरून अन्नपदार्थ मागवण्यात येतात. याचा आरोग्यावर फार वाईट परिणाम होत आहे.

बाहेरच्या खाद्यपदार्थांमध्ये अन्नातील कृत्रिम रंग म्हणजे आर्टिफिशिअल फूड कलरचा मोठा वापर होत असून, हे साऱ्यांसाठी स्लो पाॅयझन ठरू शकते. काळजी घेण्याचे आवाहन बालरोगतज्ज्ञांनी केले आहे.

खाद्यपदार्थांचा रंग आणि चव सुधारण्यासाठी याचा वापर केला जातो. मात्र या कृत्रिम खाद्यरंगामुळे कर्करोगासारख्या गंभीर रोगांची जोखीम असल्याचे संजीवनी बाल रुग्णालयातील बालरोगतज्ज्ञ डॉ. राजेश पाटील म्हणाले. खाद्यपदार्थांचा रंग आणि चव सुधारण्यासाठी कृत्रिम खाद्य रंगाचा म्हणजे आर्टिफिशिअल फूड कलरचा वापर केला जातो. पण काही अहवालानुसार अतिसेवनामुळे कर्करोगासारख्या गंभीर आजाराचा धोका असतो.

• सकस आहार निवडावा

• घरी शिजवलेले अन्न खावे

• घरगुती अन्नपदार्थ खावे

• पॅकबंद अन्नापासून शक्यतो दूर राहावे

कृत्रिम खाद्यरंगाचे तोटे

• पदार्थांमध्ये बेंझिन आढळते यामुळे कार्सिनोजेन आजारांना आमंत्रण मिळते

• फूड कलरयुक्त पदार्थाचे अतिसेवन कर्करोगासारखे गंभीर आजार होण्याची जोखीम

• कामामध्ये लक्ष केंद्रित करण्यात अडचण येण्याची जोखीम

• कृत्रिम फूड कलरमुळे ॲलर्जीची समस्या उद्भवू शकते

लाल रंगासाठी बिटाचा अर्क, पिवळ्या रंगासाठी हळद, हिरव्या रंगासाठी क्लोरोफिल हे नैसर्गिक खाद्यरंग आहेत. मात्र कृत्रिम खाद्य रंगातील पदार्थ प्रक्रिया केलेले असतात. सुंदर, लोभस दिसत असले तरी कृत्रिम खाद्यरंग रासायनिक असतात. या पदार्थामुळे आरोग्यविषयक समस्या येतात. कृत्रिम खाद्यरंग ( डाईज) हे मिठाई, शीत पेयांपासून ते पॅक स्नॅक्सच्या पदार्थातून शरीरात जातात. यामुळे कृत्रिम रंग आणि नैसर्गिक रंगातील फरक जाणून मुलांच्या आहाराबाबत पालकांनी जागरूक असावे.

- डॉ. राजेश पाटील, बालरोग तज्ज्ञ, नागपूर