Viral Infection : वातावरणणात बदल झाला की, अनेकांना व्हायरल इन्फेक्शनचा त्रास होतो. यामध्ये मग काहींना सर्दी, खोकला, ताप अशा आजारांना सामोरे जावे लागते.

आजारी पडल्यानंतर आपले शरीर सुस्त होते. त्यामुळे डॉक्टर जास्तीत जास्त विश्रांती घेण्याचा सल्ला देतात. मात्र, जर तुम्ही या सल्ल्याकडे दुर्लक्ष करत असाल तर, त्याचा विचार करणे गरजेचे आहे. आज आम्ही तुम्हाला आजारपणात जास्तीत जास्त विश्रांती घेणे का आवश्यक आहे. याबद्दल माहिती सांगणार आहोत.

जेव्हा आपले शरीर जीवाणू, विषाणू किंवा किटाणूंशी लढत असते तेव्हा आपल्या शरीराला जास्तीत जास्त उर्जेची आवश्यकता असते. विश्रांती घेतल्याने ही ऊर्जा शरीराला मिळण्यास मदत होते.

झोपेच्या कमतरतेमुळे होणारे आजार

शरीरात संसर्ग होताच रोगप्रतिकारक शक्ती सक्रिय होते. झोपेमुळे तुम्ही रोगप्रतिकारक शक्तीला अधिक मदत होते. आराम केल्याने विषाणुंशी लढणारे प्रथिने सक्रीय होतात. आजारपणात आराम न केल्याने शरिरीतील ऊर्जा संपते. तुम्ही आजारी असाल आणि बेड झोपून मोबाईल पाहात असाल तरी, शरिरातील आवश्यक ऊर्जा नष्ट होते. अनेक संशोधनांमध्ये हे समोर आले आहे की, झोपेच्या कमतरतेमुळे अनेक आजारांचा धोका वाढतो.

तुमच्या शरिराला केव्हा आवश्यक आराम गरजेचा आहे हे तुमचे शरीर अचूक जाणते. व्हायरल, बॅक्टेरियल इन्फेक्शन म्हणजेच सर्दी किंवा ताप असताना आपल्याला जास्त झोप येते. त्यामुळे व्हायरल इन्फेक्शन झाल्यानंतर सुरूवातीच्या काळात प्रचंड झोप येते. अति झोप येते म्हणून काळजी करण्याची काहीच गरज नाही. इन्फेक्शन झाल्यानंतर अधिक झोप येणे ही सामान्य बाब आहे.

व्हायरल इन्फेक्शन झाल्यानंतर तुम्ही जितकी अधिक विश्रांती घ्याल तितके लवकर तुम्ही बरे व्हाल. आजारी असताना शक्यतो सकस आहार घेण्याचा प्रयत्न करा. तसेच डॉक्टरांनी सांगितलेली औषधे वेळेवर घ्या.