Diabetes Symptoms : जगभरात डायबिटीसच्या रुग्णांची संख्या झपाट्याने वाढते आहे; हा आकडा जवळजवळ 42 कोटींच्याही पुढे गेला आहे. भारतात सर्व्हे केल्यावर असं लक्षात आलं की महिलांपेक्षा जास्त पुरुष डायबिटीसचे बळी आहेत.

भारतातल्या लोकांची टक्केवारी काढली असता ही टक्केवारी पुरुषांमध्ये 7.2 आणि महिलांमध्ये 6.8 आहे. सर्व्हेनुसार, शहरात राहणारे 6.8 टक्के आणि ग्रामीण भागात राहणारे 5.7 टक्के लोकांना डायबिटीस झाला आहे. या आजारामुळे अपंगत्व, किडनी फेल होण्याची शक्यता जास्त असते.

आपले शरीर आपण खात असलेले बहुतेक अन्न ग्लुकोजमध्ये परावर्तित करते आणि ते आपल्या रक्तप्रवाहात सोडते. जेव्हा आपल्या रक्तातली ग्लुकोज वाढते तेव्हा ते आपल्या स्वादुपिंडाला इंसुलिन सोडण्याचे संकेत देते. इन्सुलिन रक्तातील ग्लुकोज शरीरातील पेशींपर्यंत नेण्याचे काम करते, ज्यामुळे ऊर्जा मिळते.

डायबिटीसमध्ये, आपले शरीर पुरेसे इंसुलिन तयार करू शकत नाही, ज्यामुळे पेशी इन्सुलिनला प्रतिसाद देणे थांबवतात आणि आपल्या रक्तातली ग्लुकोजची पातळी वाढते. कालांतराने, यामुळे हार्ट अटॅक, डोळ्यांचे आजार आणि किडनीच्या आजारांसारखे गंभीर आजार उद्भवू शकतात.

डायबिटीसची सुरुवातीची लक्षणे

जर तुम्हालाही खाली दिलेली लक्षणे दिसत असतील तर ताबडतोब डॉक्टरांना भेटून तुमच्या रक्तातील शुगर तपासा.

सतत टॉयलेटला लागणे (अनेकदा रात्री)

जास्त तहान लागणे

अचानक वजन कमी होणे किंवा वाढणे

खूप भूक लागणे

धूसर दृष्टी

हात किंवा पाय सुन्न होणे किंवा मुंग्या येणे

खूप थकवा जाणवणे

त्वचा कोरडी पडणे

जर जखमा बऱ्या व्हायला बराच वेळ लागतो