अनेकदा आपण आपल्या केसांची काळजी घेत नाही. रोजच्या धावपळीच्या आयुष्यात केसांची काळजी घेणे कठीण जातं. अशात केसांशी संबंधीत समस्या उद्भवू लागतात. योग्य आहार न घेतल्याने केस गळणे किंवा केस कमकुवत होतात. केस गळती रोखण्यासाठी अनेकदा आपण अनेक प्रोडक्टस वापरतो मात्र अनेकदा त्याचा काहीही फायदा होत नाही. त्यामुळे योग्य आहार घेणे, गरजेचे आहे.(Foods to Prevent Hair Fall)

१. अंडी - अंड्यांमध्ये प्रथिने, लोह, बायोटिन, सेलेनियम भरपूर प्रमाणात असतात जे केसांच्या आरोग्यासाठी फायदेशीर असतात.

२. हिरव्या पालेभाज्या - हिरव्या पालेभाज्यांमध्ये व्हिटॅमिन ए, आयर्न, बीटा कॅरोटीन, फोलेट, व्हिटॅमिन सीअसते, ज्यामुळे केस मजबूत असतात.

३. ड्रायफ्रुट्स - केसांच्या आरोग्यासाठी ड्रायफ्रुट्स अत्यंत गरजेचे आहे. यात प्रामुख्याने काजू, बदाम, शेंगदाणे, मनुका, हे फायदेशीर असतात. यात व्हिटॅमिन ई, झिंक, सेलेनियम, ओमेगा 3 फॅटी ऍसिड असतात ज्यामुळे केस निरोगी राहतात.

४. फळे - उत्तम आरोग्यासाठी जसे फळ आवश्यक असतं. तसेच त्यातील व्हिटॅमिन सी आणि अँटीऑक्सिडंट्स केसांना निरोगी ठेवतात.

५. मासे - जर तुमचे केस गळत असतील तर तुम्ही फॅटी फिशचा आहारात समावेश करु शकतो. यात ओमेगा 3 फॅटी अ‌ॅसिड आणि व्हिटॅमिन डीचा समावेश असतात. ज्यामुळे केसांचे आरोग्य निरोगी राहण्यास मदत होते.