आयर्वेदामध्ये गुळवेलला ‘ अमृतकुंभ असे म्हणतात. गुळवेल ही अँटीऑक्सिडंट्स घटक असणारी वनस्पती आहे जे अँटीऑक्सिडंट्स फ्री-रॅडिकल्सशी लढू शकतात. गुळवेल शरीरातील विष काढून टाकण्यास मदत करते थोडक्यात रक्तशुधी करते. आजच्या लेखात आपण 

हिवाळ्यात गुळवेलचा आरोग्यवर्धक काढा पिण्याचे काय फायदे असतात आणि हा काढा कसा तयार करायचा याची सविस्तर रेसिपी पाहणार आहोत.

Giloy benefits for Health: ताप, सर्दी आणि खोकल्याचा त्रास कमी करण्यासाठी गुळवेल रामबाण उपाय आहे. आयुर्वेदामध्ये गुळवेलीला फार महत्त्व आहे. डेंग्यूच्या तापामध्ये आपल्याला शरीरातील रक्तपेशी कमी होतात, या समस्येपासून बचाव करण्यासाठी गुळवेलचे सेवन करणं फायदेशीर ठरते.

● जर योग्य पद्धतीनं आणि योग्य प्रमाणात गुळवेलचे सेवन केलं तर आपल्याला आजारांचा संसर्ग होण्याचा धोका कमी होतो. गुळवेलीला गुडुची नावानंही ओळखलं जातं.

● पानाच्या आकाराच्या असलेल्या या औषधी वनस्पतीचा रंग गडद हिरवा असतो.

● डेंग्यूचा ताप कमी करण्यासाठी गुळवेल रामबाण उपाय आहे. या औषधाच्या सेवनामुळे रुग्णाची प्रकृती सुधारण्यास मदत मिळते.

● ताप उतरवणे, हाडांच्या वेदना कमी करणे यासह कित्येक शारीरिक त्रासातून गुळवेलीमुळे आपली सुटका होते. या वनस्पतीला अमृतवेल असंही म्हटलं जाते.

● वात, तापानंतर येणारा अशक्तपणा, भूक न लागणे, रोग प्रतिकारक शक्ती कमकुवत होणे इत्यादी समस्यांवर उपाय म्हणून गुळवेलीचे सेवन करावे. 

आता बघू या गुळवेलचा आरोग्यवर्धक काढा कसा तयार करायचा? याची रेसिपीज...

साहित्य

1) अर्धा लिटर पाणी

2) गुळवेलीची पाने चार ते पाच 

3) गुळवेलीची खोडाचे तिन ते चार तुकडे

4) हळद

5) दालचिनी

6) लवंगा

7) काळी मिरी

8) तुळशीचे पाने

9) पुदिना पाने

10) छोटा तुकडा आलं

11) दोन चमचे गुळ

12) एक चमचा ज्येष्ठ मध

13) एक चमचा लिंबू 

कृती:

एका भांड्यात पाणी उकळा आणि त्यात हळद, काळी मिरी आणि लवंगा घालावे. नंतर ते पाणी एक मिनिट उकळू द्यावे. पाणी उकळल्यानंतर त्यात गूळ, तुळशीची पाने, गुळवेलीची पाने व खोडाचे 3 ते 4 तूकडे किसलेलं आलं आणि दालचिनी घालावे. झाकण ठेवून मंद आचेवर पाच मिनिटं उकळू द्यावे. नंतर पुदिन्याची पाने आणि ज्येष्ठ मध घाला, हे चांगले मिक्स करून घ्या (भांड्यावर कायम झाकण ठेवा). थंड झाल्यानंतर गाळून पिण्यासाठी घ्यावे.