लहानपणीच्या गमती-जमती प्रत्येकालाच आठवत असतात. एखादे फळ दिसले, एखाद्या ठिकाणावर लहानपणी घाललेला धुमाकूळ, मित्र, उन्हाळ्याची सुट्टी हे सगळंच डोळ्यासमोरून जातं. आता पून्हा उन्हाळ्याची सुट्टी पडेल आणि लोक गावी जातील. वाटेत जाताना कोपऱ्यावर असलेलं विलायती चिंचेचं झाडं सर्वांनाच भूतकाळात घेऊन जाईल.

लहानपणी लालबुंद विलायती चिंचा किती खाल्ल्यात याला काही हिशोबच नाही. पण,त्या झाडाखालीच पोरांचा घोळका असायचा. त्या चिंचा तूम्हीही लहानपणी खाल्ल्या असतील ना?. त्या चिंचा केवळ चवीत नाही तर आरोग्यदायी दृष्टीतूनही फायदेशीर आहेत. ते कसे जाणून घेऊयात.

भोपाळमध्ये राहणारे एंडोक्राइनोलॉजिस्ट, डायबेटोलॉजिस्ट विशेषज्ञ डॉ. सचिन चित्तवार यांनी त्यांच्या ट्विटर अकाऊंटवर एक पोस्ट शेअर केली आहे. ज्यामध्ये त्यांनी विलायती चिंचेमधील पोषक तत्वे आणि त्याचे फायदे सांगितले आहेत. विलायती चिंचेमध्ये व्हिटॅमिन सी, प्रथिने, चरबी, कार्बोहायड्रेट, कॅल्शियम, पोटॅशियम, फॉस्फरस, लोह, थायामिन, रिबोफ्लेविन असे अनेक प्रकारचे पोषक घटक भरपूर प्रमाणात आढळतात.

विलायती चिंचेत भरपूर प्रमाणात व्हिटॅमिन सी असल्याने ते रोगप्रतिकारशक्ती वाढवते. रोगप्रतिकारक शक्ती वाढल्यामुळे तुम्ही अनेक आजार आणि संसर्गापासून दूर राहू शकता.

व्हिटॅमिन सी शरीरात उत्कृष्ट अँटिऑक्सिडंट म्हणून कार्य करते, ज्यामुळे शरीराची अनेक प्रकारच्या हानिकारक मुक्त रॅडिकल्सशी लढण्याची क्षमता वाढते. विलायची चिंच कुठेही दिसली तर ती नक्कीच विकत घ्या आणि सेवन करा.

मधुमेहावर रामबाण उपाय

विलायती चिंच मधुमेहाच्या रुग्णांसाठीही फायदेशीर आहे. त्यामुळे साखरेची पातळी नियंत्रित राहते. यामध्ये अनेक प्रकारचे अँटीऑक्सिडंट देखील असतात, ज्याचा शरीराला फायदा होतो. विलायती चिंचेपासून तयार केलेला रस सेवन करणे देखील फायदेशीर ठरू शकते. चिंचेच्या पानांमध्ये मधुमेहविरोधी गुणधर्म असतात. त्याचे सेवन मधुमेह असणाऱ्यांसाठी फायदेशीर ठरू शकते.

पोटाची तक्रार दूर होते

विलायती चिंचेमुळे पोटाचे आरोग्यही चांगले राहते. याच्या सेवनाने पचनशक्ती मजबूत होते. पोटाशी संबंधित अनेक आजार टाळता येतात.

वजन वाढीवर प्रतिबंध करते

विलायती चिंच शरीरात खराब कोलेस्ट्रॉल वाढण्यापासून रोखते आणि चांगल्या कोलेस्ट्रॉलला प्रोत्साहन देते. याच्या मदतीने तुम्ही हार्ट अटॅक, स्ट्रोक इत्यादी टाळू शकता. यामध्ये पोटॅशियम देखील भरपूर असते त्यामुळे हे फळ हृदयाच्या रुग्णांसाठी फायदेशीर ठरू शकते.

ऍनिमियावर गुणकारी

या चिंचेमध्ये लोह देखील पुरेसे आहे. त्यामुळे ज्यांना लोहाची कमतरता आहे त्यांनी याचे सेवन करणे आवश्यक आहे. ज्यांना ऍनिमियाचा त्रास होतोय त्यांच्यासाठी विलायती चिंच फायद्याची आहे.