Healthy Breakfast : निरोगी राहण्यासाठी सकस आहार महत्वाचा असतो. योग्य आहार आपला अनेक आजारांपासून बचाव करतो. सद्गुरुंना निरोगी आयुष्याचा मंत्र चांगलाच ठाऊक आहे. त्यांच्या लेटेस्ट इंस्टाग्राम व्हिडीओमध्ये त्यांनी हेल्दी ब्रेकफास्टबाबत सांगितले आहे. सद्गुरुंनी सांगितले की स्प्राउट मूगसोबत ते स्प्राउट मेथीदाणेसुद्धा खातात. सोबतच त्यांनी याच्या फायद्यांबाबतही सांगितले. चला तर मेथी दाणे आणि मूगाचे आरोग्यदायी फायदे जाणून घेऊया.

नॅचरल ब्लड क्लिंझर

स्प्राउटेड मेथी हे एक नॅचरल ब्लड क्लिंझर आहे. जे शरीरातील रक्त शुद्ध करून शरीरात ऑक्सीजनचा फ्लो वाढवतात. सोबतच सगळे टॉक्झिक पदार्थ शरीराबाहेर काढण्यासही मदत करतात.

न्यूट्रिशनयुक्त मेथी दाणे

मधुमेहाच्या रूग्णांना रोज मेथी दाणे खाण्याचा सल्ला दिला जातो. मात्र हे दाणे प्रत्येकासाठी तेवढेच फायदेशीर आहेत. यात प्रोटीन, व्हिटॅमिन आणि मिनरल्सची चांगली मात्रा असते. जे आरोग्यासाठी फार फायदेशीर आहे.

केसांसाठी आणि त्वचेसाठी फायदेशीर

केसांना मेथीचे दाने लावण्याने केसगळती थांबते. तर मेथीचे दाणे रोज खाल्ल्यास स्किन आणि केस दोघांचेही आरोग्य चांगले राहते.

पचनशक्ती सुधारते

रोज सकाळी रिकाम्या पोटी मोड आलेली मेथी खाल्ल्यास पचनसंस्थेशी संबंधित समस्या दूर होतात. अॅसिडिटी, ब्लॉटिंग सारख्या समस्यांपासून तुम्हाला सुटका मिळते.

दूध पाजणाऱ्या मातांसाठी पोषक

बाळाला दूध पाजणाऱ्या मातांना मोड आलेले मेथीचे दाणे खाल्ल्याने फायदा होतो. (Lifestyle)

रक्तातील साखरेसाठी चांगले

रक्तातील साखर नियंत्रित ठेवण्यासाठी अंकुरलेले मेथीचे दाणे रोज खावेत.

कोलेस्ट्रॉलची पातळी कमी करते

शरीरातील वाढते कोलेस्ट्रॉल कमी करण्यासाठी मोड आलेले मेथीचे दाणेही खावेत. (Health)

मोड आलेली मेथी कशी खावी

सद्गुरु मोड आलेल्या मेथीचे दाणे आणि अंकुरित मूग खातात. मात्र, यावेळी मेथीदाण्यांचे प्रमाण एक ते दोन चमचे एवढेच ठेवावे. यापेक्षा जास्त प्रमाणात खाल्ल्यास पोटाच्या समस्या वाढतात आणि अपचनाची समस्या सुरू होते.