मुंबई : दिवसेंदिवस वाढणारा उष्मा प्रौढांनाही अस्वस्थ करत आहे; मग यात लहान मुलांची काय अवस्था होत असेल याची कल्पनाही आपण करू शकत नाही. उन्हामुळे त्वचेवर परिणाम होतो. लहान बाळांची त्वचा अतिशय नाजूक असल्याने त्यांनी अधिक त्रास होतो. त्यामुळे आता जाणून घेऊ या तुमच्या बाळाचे उन्हापासून संरक्षण कसे कराल ?
उन्हापासून दूर ठेवा
६ महिन्यांपेक्षा लहान बाळाला उन्हात नेऊ नका. कडक ऊन पडले असताना बाळाला घरातच ठेवा. जन्मत: बाळाला कावीळ झाल्यास रोज १५ मिनिटे त्याला उन्हात नेण्याचा सल्ला डॉक्टर देतात. असे केल्याने कावीळसाठी जबाबदार असलेला बिलरुबीन हा घटक विरघळतो. परंतु, सकाळी ९ वाजण्याआधी आणि दुपारी ४ वाजल्यानंतरच बाळाला उन्हात न्यावे. कारण या वेळेत सूर्यकिरणे कमी हानीकारक असतात.
बाळाचे कपडे
उन्हात जाताना बाळाला अंगभर आणि सुती कपडे घालावेत.
सनस्क्रीन
बाळाला ६ महिने पूर्ण झाल्यानंतर लहान मुलांसाठी वापरल्या जाणाऱ्या लोशनचा वापर करा. बाळाला कोणतीही सनस्क्रीन लावण्याआधी डॉक्टरांचा सल्ला घ्या. कारण प्रत्येक मुलाची त्वचा वेगवेगळी असते. त्वचा अधिक संवेदनशील असल्यास त्रास होऊ शकतो.
सनबर्न झाल्यास
बाळाच्या त्वचेवर उन्हाचा परिणाम झाल्यास लालसर पुरळ उठेल. असे झाल्यास थंड पाण्यात भिजवलेले कापड बाळाच्या त्वचेवर लावून ठेवा. यामुळे त्वचेतील उष्णता निघून जाईल. अशावेळी त्वचेवर तेल-तूप लावणे टाळावे. कारण, यामुळे उष्णता त्वचेमध्ये साचून राहाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.