Kidney Stone : अँटिबायोटिक्स, अल्ट्रा प्रोसेस्ड फूड आणि गरम तापमानामुळे लहान मुलांमध्ये किडनी स्टोनची समस्या हल्ली सामान्य झाली आहे. अमेरिकेतील फिलाडेल्फियामध्ये झालेल्या संशोधनातून ही माहिती पुढे आली आहे. तीस वर्षांआधी किडनीस्टोनची समस्या वयोवृद्धांनाच होते असा समज होता असे शास्त्रज्ञ म्हणाले. मात्र हल्ली ही समस्या सगळ्याच वयोगटाच्या लोकांमध्ये सामान्य झाली आहे.

शरीरात साठलेली खनिजे आणि क्षारांचे साठण्याने मूत्रपिंडात तयार होणारा दगड किडनी स्टोनचे स्वरूप घेतो. शास्त्रज्ञांच्या आकडेवारीतून असे दिसून येते की ही समस्या हल्ली किशोरवयीन मुलांमध्ये वाढत चालली आहे. जंक फूड, अँटिबायोटिक्सचा वाढता वापर आणि शरीराच्या तापमानात झालेली वाढ यामुळे शरारात डिहायड्रेशनची समस्या निर्माण होऊन किडनी स्टोन होतो. असे तज्ज्ञांचे मत आहे.

हाय ब्लड प्रेशर आणि वाढते वजन हेसुद्धा एक कारण

किडनी स्टोनतची समस्या ही पिवळ्या रंगाचा मेटाबोलिक डिसॉर्डर आहे, ज्याला नेफ्रोलिथियासिस नावानेही ओळखले जाते. यात कॅल्शियम, ऑक्सलेट आणि फॉस्फोरस सारखी खनिजे मूत्रपिंडात जमा होते. अनेकदा त्याचे स्वरूप रेतीच्या लहान लहान कणांप्रमाणे किंवा गोल्फ बॉलप्रमाणे असते.

काहीवेळी डॉक्टरांनी सुचवलेल्या औषधांमार्फत किडनी स्टोन मूत्रपिंडाद्वारे बाहेर पडतात. तर त्याचा आकार मोठा झाल्यास ते मूत्रपिंडात अडकून पडतात. ज्यामुळे तीव्र वेदना आणि ब्लिडिंगच्या समस्येलाही सामोरे जावे लागते.

लहान मुलांसाठी जास्त एनर्जी ड्रिंक पिणे घातक ठरू शकते

चिप्स, एनर्जी ड्रिंक आणि सील पॅक जेवणाचे अतिसेवन केल्याने किडनी स्टोनच्या समस्येचा धोका वाढतो. मुलांचे कमी पाणी पिणे आणि फ्रुक्टोजची मात्रा अधिक असलेले ड्रिंक पिणे मुलांसाठी नुकसानदायी ठरते. (Health)