Yoga Rules : चांगले आरोग्य आणि आनंदी जीवनासाठी योग आणि प्राणायाम करणे फायदेशीर आहे. मात्र, वेळेअभावी अनेकजण योगा (Yoga) आणि प्राणायम (Pranayam) करण्याच्या योग्य पद्धतीकडे दूर्लक्ष करतात. ज्यामुळे योग समाधानकारक परिणाम मिळत नाही. चला तर मग जाणून घेऊया योग आणि प्राणायामाशी संबंधित काही महत्त्वाचे नियम. (Vastu Tips For Yoga)

योग आणि प्राणायामाचे महत्त्व

योगाचे अनेक भागात विभाजन केले आहे. योगाच्या 8 भागांपैकी चौथ्या भागाला प्राणायाम असे म्हणतात. प्राणायाम हा दोन शब्दांनी बनलेला आहे, पहिला प्राण आणि दुसरा परिमाण, म्हणजे जीवनाचा विस्तार. प्राणायाम हा शरीरातील शक्ती नियंत्रित आणि संतुलित करण्यासाठी केला जातो.

धावपळीच्या जीवनात आजार, मानसिक ताण, स्नायू दुखणे इत्यादी समस्यांपासून आराम मिळण्यासाठी योगासन केल्यामुळे फायदा होऊ शकतो. योगामुळे शरीराची प्रतिकारशक्तीही (Physical Fitness) वाढते. त्यामुळे योगासने करण्याचा सल्ला दिला जातो.

योगा करण्याचे नियम

शास्त्रात योगासने करण्याचे नियम सांगण्यात आले आहेत. कोणताही प्राणायाम करण्यासाठी सर्वात प्रथम सुखासन, पद्मासन आणि सिद्धासन स्थितीत बसा. शक्यातो प्राणायाम सकाळी लवकर करा. प्राणायाम करताना चेहऱ्यावर नेहमी हास्य ठेवा. कोणत्याही प्रकारचा आवाज नसेल अशा ठिकाणी प्राणायम केल्याने फायदा होतो.

वास्तुशास्त्रानुसार ईशान्य दिशेला तोंड करून योगासन किंवा प्राणायाम केल्याने अधिक फायदा होता. ईशान्य दिशेला बसून प्राणायम आणि योगा केल्याने आत्मविश्वास वाढण्यास मदत होते. ज्या ठिकाणचे वातावरण शुद्ध आहे आणि जेथे हवा खेळती आहे अशा ठिकाणी बसून प्राणायम आणि योगा केल्यास अधिक फायदा होतो.