Manuka Benefits: मनुके खाण्याचे अनेक फायदे आहेत. मनुके आपण कसे खातो यावरही काही गोष्टी अवलंबून आहेत. मनुके अनेक प्रकारे खाल्ले जातात. बहुतेक लोक थेट मनुका खातात, तर बरेच लोक भिजवून खातात.

काहीजण दुधात बेदाणे मिसळून खातात, पण तुम्हाला माहीत आहे का की, मधासोबत मनुके खाल्ल्याने अनेक फायदे होतात. 

अनेक आहारतज्ञ मनुके भिजवून खाण्याचा सल्ला देतात. तसेच, त्याचे पाणी पिण्यानेही प्रकृती चांगली राहते. सकाळी रिकाम्या पोटी मनुक्याचे पाणी प्यायल्याने आरोग्याला आवश्यक पोषक तत्वे मिळतात.

मनूक्यांमध्ये असलेले फायटो न्यूट्रिएंट्स, अँटिऑक्सिडंट्स आणि व्हिटॅमिन ई शरीरासाठी आवश्यक असतात.

मनुक्याचे पाणी प्यायल्याने शरीर अँटिऑक्सिडंट्स आणि पोषक तत्व पूर्णपणे शोषून घेते.त्यामूळे आज मनूक्यांचे पाणी पिण्याचे फायदे कोणते ते पाहुयात.

हाडे मजबूत होतात

मनुक्याचे पाणी दात आणि हाडांच्या समस्या दूर करण्यासाठी देखील खूप उपयुक्त ठरते. मनुक्याच्या पाण्यात आढळणारे कॅल्शियम दातांचे इनॅमल मजबूत करते आणि हाडे मजबूत करण्यासाठी देखील उपयुक्त असते.

अ‍ॅसिडिटीच्या त्रासातून सुटका

तुम्हाला अ‍ॅसिडिटीचा त्रास असेल. तर मनुक्याचे पाणी प्यायल्याने तुम्हाला आराम मिळेल. अ‍ॅसिडिटीवर नियंत्रण ठेवायचे असेल तर एक ग्लास मनुका पाणी प्यावे.

मनुक्याच्या पाण्यात दाहक-विरोधी गुणधर्म असतात आणि त्यामुळे आतड्यांचे कार्य सुधारते.

अशक्तपणा कमी करते

मनुक्यात भरपूर प्रमाणात आढळणारे आयर्न शरीरातील अशक्तपणा दूर करण्यासाठी प्रभावी ठरते. तसेच अ‍ॅनिमियाची समस्या टाळण्यासाठी देखील हा प्रभावी उपाय आहे.

केसांवर गुणकारी

रोज एका ग्लास मनुक्याचे पाणी प्यायल्यास शरीराला व्हिटॅमिन सी आणि अँटीऑक्सिडंट घटक मिळतात. यामुळे केसांना पोषण मिळते आणि कोंडा, जळजळ इत्यादी समस्या दूर होण्यास मदत होते.

पचनसंस्था सुधारते

मनुका पाणी पचनसंस्थेचे कार्य सुरळीत होते. सकाळी रिकाम्या पोटी मनुका पाणी प्यायल्याने गॅस आणि बद्धकोष्ठतेची समस्या दूर होते.

आतड्यांसाठी फायदेशीर ठरते

मनुकामध्ये फायबरचे प्रमाण जास्त असते, फायबर आतड्याची हालचाल सुलभ करते. तसेच शरीरात साचलेली विषारी द्रव्ये बाहेर काढण्यास मदत होते.

शुक्राणूंची संख्या वाढवते

मनुका मधात मिसळून खाल्ल्याने विवाहित पुरुषांमधील कमकुवत शुक्राणूंची समस्या दूर होते. मनुका खाल्ल्याने शुक्राणूंची संख्या वाढण्यास मदत होते.

वास्तविक, मध आणि मनुका यांच्यामध्ये असे अनेक गुणधर्म असतात, जे शुक्राणूंची गुणवत्ता सुधारतात.