Office Yoga Kokilasan : तासन् तास एकाच ठिकाणी बसून काम केल्याने हालचाल कमी होते. शरीराला व्यायाम न मिळाल्याने अनेक समस्या निर्माण होतात. पण जर स्वतःसाठी थोडासा वेळ काढून काही आसनं केली तर बऱ्याचशा समस्यांतून सहज आराम मिळू शकतो.

पोटात गॅस होणे, वाताचे त्रास वाढणे अशा अनेक समस्या निर्माण होतात पण यावर उपाय म्हणून नियमित कोकिळासन केले तर आराम मिळू शकेल.

कोकिळासन हे एक तोलात्मक आसन आहे.

असे करा आसन

• प्रथम पाय समोर करून ताठ बसावे व पद्‍मासन घालावे.

• त्यानंतर हात थोडेसे बाजूला जमिनीवर टेकवून हाताकडचा जोर थोडासा वाढवून पद्मासनाचा मांडीवरचा भाग जमिनीपासून वर उचलावा.

• दोन्ही मांड्या (पद्‍मासन) घडी घातल्याप्रमाणे पोटाच्या दिशेला घ्याव्यात.

• त्यानंतर छायाचित्रात दाखविल्याप्रमाणे दोन्ही हातांचा नमस्कार करून हाताचे कोपरेही जुळवून घ्यावेत.

• कोपर व दंडाची पद्‍मासनाची स्थिती धरून ठेवावी.

• शरीराचा संपूर्ण भार छायाचित्रात दाखविल्याप्रमाणे सीटवर सांभाळावा. श्‍वसन संथ सुरू व नजर स्थिर असावी.

आसनाचे फायदे

• नियमित सरावाने एकाग्रता, आत्मविश्‍वास वाढतो.

• पोटावर दाब येतो व त्यामुळे पोटातील इंद्रिये अधिक कार्यक्षम होतात.

• वाताचा त्रास कमी होतो.

• मधुमेहाचा त्रास असणाऱ्यांनी हे आसन जरूर करावे.

• ही काळजी घ्या

• गुडघ्याचा त्रास असणाऱ्यांनी पद्मासन घालू नये..