सगळीकडे कडाक्याची थंडी वाढली आहे. अशात थंडीपासून स्वत:चे संरक्षण करण्यासाठी आपण वाट्टेल ते प्रयत्न करत असतो. मग कधी शेकोटी पेटवून ऊब घेणे तर कधी शॉल किंवा स्वेटरचा वापर करणे पण आता शेकोटीची जागा हीटरनी घेतली.

आज अनेकांच्या घरी रुम हीटर वापरला जातो. ज्यामुळे थंडीपासून संरक्षण करता येईल. पण तुम्हाला माहिती आहे का याच रुम हीटरचा तुमच्या जीवालाही धोका आहे? हो, हे खरंय. आज आपण रूम हीटरचे दुष्परिणाम जाणून घेणार आहोत. (Room Heater disadvantages)

• रूम हीटरमधून बाहेर पडणारी कोरडी हवा आपल्या स्किनसाठी हानिकारक असते. त्यामुळे त्वचेचे आजार होण्याची दाट शक्यता असते.

• स्कीन कोरडी पडणे, त्वचेला खाज सुटणे इत्यादी समस्या होऊ शकतात.

• हीटरमधून पडणाऱ्या विषारी हवेमुळे श्वास घ्यायलाही त्रास होऊ शकतो. ज्यामुळे दमा किंवा हार्टचा आजारही होऊ शकतो.

• याशिवाय या विषारी हवेमुळे घसा वारंवार कोरडा पडू शकतो तर जळजळ होणे, लंग्समध्ये त्रास होणे, इत्यादी आजार होऊ शकतात.

• याशिवाय या विषारी हवेचा त्रास तुमच्या डोळ्यालाही होऊ शकतो ज्यामुळे डोळ्यामध्ये जळजळ होणे, खाज सुटणे इत्यादी त्रास होऊ शकतो.

अशी घ्या काळजी

- हिटर वापरण्यापूर्वी स्कीनला चांगले मॉइश्चरायझ लावा.

- हीटरच्या खूप जवळ बसू नका

- सायनस असलेल्या लोकांनी हिटर वापरताना ह्युमिडिफायरचा वापर करावा.

- ऑइल हिटरचा वापर करा

- रात्री चुकूनही हीटर लावून झोपू नका.