Summer Care : मार्चच्या सुरुवातीपासूनच सूर्य तळपत आहे. दिवसेंदिवस पारा वाढत असून आतापासूनच आरोग्याची काळजी घेणे अत्यावश्यक आहे. घरात तसेच रखरखत्या उन्हात घराबाहेर पडण्यापूर्वी काही गोष्टी कटाक्षाने पाळण्याची गरज आहे. त्यामुळे शरीराची लाही लाही करणारा उन्हाळा सहज निघून जाईल.

काय करावे ?

• आवश्यक काम असेल तरच घराबाहेर पडा.

• सुती, फिक्या किंवा पांढऱ्या रंगाचे कपडे वापरा.

• डोक्याला टोपी व डोळ्यांना गॉगल वापरा.

• झळा लागू नये यासाठी संपूर्ण अंग झाकलेले असावेत.

• ताप आल्यास वैद्यकीय तज्ज्ञांचा सल्ला घ्यावा.

• थंड पाण्याने स्नान करावे. दुपारी अर्धा तास झोपावे.

• उन्हातून आल्यास लगेच पाणी पिऊ नये.

• ताक, कैरीचे पन्हे, कोकम किंवा लिंबू सरबत घ्यावे.

• आहार हलक्या स्वरूपाचा ठेवावा.

काळजी न घेतल्यास होणारे परिणाम

हातपाय दुखणे, पोटात मळमळणे, किडनी स्टोन, उलट्या जुलाब, चक्कर येणे, डिहायड्रेशन मुत्र विकाराच्या समस्यांना तोंड द्यावे लागते.

उन्हाळ्यात आरोग्याची काळजी घेणे गरजेचे आहे. आरोग्याविषयक कोणतीही लक्षण दिसल्यास डॉक्टरांचा सल्ला घ्यावा. आजारावर घरगुती उपाय करणे तसेच तळलेले व मसाल्याचे पदार्थ टाळावे.

- डॉ. अर्चना कोठारी