Disease: अमेरिकेच्या लोकांमध्ये मोठ्या प्रमाणात सुपरबगचा संसर्ग चिंतेचा विषय बनलाय. सुपरबग मानवी शरीरात सेक्शुअल ट्रांसमिटेड डिसीज पसरवतो. ज्यामुळे अनेकजण इनफर्टीलिटीला बळी पडतात. सुपरबग साधरणत: बॅक्टेरियाचाच एक प्रकार आहे. मात्र हे बॅक्टेरियापेक्षा जास्त घातक आहे. या सुपरबगचं नाव आहे मायकोप्लाझमा जेनिटेलियम आहे. हा सुपरबग इतका घातक आहे की, उपचारादरम्यान अँटिबायोटिकचा वापर केल्यास सुपरबग त्याच्या विरोधात रेझिस्टंट (Resistant) डेवलप करतात. त्यामुळे या संसर्गाचं निदान करणं डॉक्टरांपुढचंही मोठं चॅलेंज आहे.

सुपरबग हा बॅक्टेरिया पहिल्यांदा १९८० मध्ये लंडनमध्ये आढळला होता. मात्र या संसर्गाचा शोध लावण्यासाठी पहिल्यांदा २०१९ मध्ये अमेरिकेत याचं परिक्षण केल्या गेलं. हे परिक्षण सध्या अमेरिकेपूर्ती मर्यादित असून शास्त्रज्ञांना आता हा संसर्ग कुठल्या कुठल्या देशात पसरत चाललाय याबाबत अजूनही शाश्वती नाही.

काय सांगतात तज्ज्ञ

शास्त्रज्ञांनी केलेल्या रिसर्चमध्ये शंभर व्यक्तींमधून एक व्यक्ती M.Genetaliumने बाधित असल्याचे आढळून आले. मात्र शास्त्रज्ञांच्या मते, लोकांमध्ये या संसर्गाचं प्रमाण वाढत चाललंय. सुपरबग बॅक्टेरिया नपुंसकता, प्रीमॅच्युअर बर्थ, गर्भपात, गर्भाशयात सूजन येणे तसेच या संबंधित अनेक समस्या निर्माण करतं. मात्र शास्त्रज्ञांसाठी चिंतेचा विषय म्हणजे सुपरबर्ग या संसर्गाविरोधातील औषधे वापरूनही शरीरात अँटी रेझिस्टंट तयार करतात. त्यामुळे या रोगाचं निदान कठिण होत जातं.

शास्त्रज्ञांच्या मते, या रोगाच्या निदानादम्यान गर्भवती महिलांसांठी हा संसर्ग जास्त धोकादायक ठरू शकतो. दरवर्षी सुपरबगच्या संसर्गाने ७० लाखापेक्षा जास्त लोकांचा मृत्यू होतो. अन्य सेक्शुअल ट्रांसमिटेड डिसीजच्या तुलनेत सुपरबग जास्त धोकादायक आहे. या संसर्गाची लक्षणे लगेच लक्षात येत नाही त्यामुळेही हा रोग जास्त धोकादायक ठरतो. महिलांमध्ये वांझोटेपणा येण्याचं हे महत्वाचं कारण ठरतं.