उन्हाळा संपून आता पावसाळ्याला सुरुवात झाली आहे. मात्र तरीदेखील उन्हाळ्यात जाणवणारा मूत्रमार्गाच्या जंतूसंसर्गाचा त्रास अद्यापही अनेकांना जाणवत आहे. साधारणपणे उन्हाळ्यात हा त्रास उष्णता, शरीरातील पाण्याची कमतरता यामुळे जाणवत असतो. खासकरुन हा त्रास महिलांमध्ये अधिक प्रमाणात होत असल्याचं पाहायला मिळालं. तुम्हालाही हा त्रास वारंवार होत असेल तर आज आम्ही तुम्हाला काही उपाय सांगणार आहोत.

मूत्रमार्गाच्या जंतुसंसर्गाची लक्षणे -

१. मूत्राशय सतत भरल्यासारखे वाटणे

२. सतत लघवीला होणे

३. मूत्रोत्सर्जन करताना वेदना होणे

४. दाह होणे

५.लघवीचा रंग गडद असणे

६. लघवीमध्ये रक्ताचे प्रमाण असणे

७. लघवीचा उग्र वास येणे

८.महिलांच्या ओटीपोटात दुखणे अशा प्रकारची लक्षणे मूत्रमार्गाचा संसर्गामध्ये दिसून येतात.

महिलांमध्ये योनीमार्गाचा संसर्ग होण्याची कारणे -

१. जिवाणू व बुरशी ही योनीमार्गाचा संसर्ग होण्याची दोन प्रमुख कारणे.

२. योनी मार्गातील त्वचा कायम ओली राहणे.

३. योनी मार्गाची स्वच्छता न राखणे.

४. जंतुसंसर्ग असलेल्या साथीदारासोबत लैंगिक संबंध ठेवल्यास जिवाणूजन्य संसर्गाचा धोका असतो.

UTI टाळण्यासाठी सोप्या टिप्स

लसूण खा

लसूण 1 लवंग मॅश करा आणि रिकाम्या पोटी खा. हे यूटीआयशी लढा देते आणि किडनीचे आरोग्य सुधारते. ताज्या लसणाच्या रसामध्ये ई. कोलाय बॅक्टेरियाची वाढ कमी करण्याची क्षमता असते. याशिवाय लसणात अॅलिसिन, अँटीमाइक्रोबियल आणि अँटी-इंफ्लेमेटरी गुणधर्म असतात, ज्यामुळे यूटीआयची समस्या कमी होते.

आवळा खा

आवळ्याचा 1 छोटा तुकडा रिकाम्या पोटी खा. आवळ्यामध्ये व्हिटॅमिन-सी मुबलक प्रमाणात असल्याने ते बॅक्टेरियाच्या वाढीस प्रतिबंध करते. यामुळे शरीरातील सर्व विषारी घटक बाहेर पडतात. यामुळे पोट आणि किडनी साफ होते आणि युरिन इन्फेक्शनची समस्या येत नाही.

नारळ पाणी

नारळाचे पाणी अँटी-बॅक्टेरियल असते, जे मूत्राशयातील बॅक्टेरिया साफ करण्यास मदत करते. नारळपाणी प्यायल्याने शरीरात पाण्याची कमतरता भासत नाही आणि युरिन इन्फेक्शनलाही प्रतिबंध होतो.