Easy Yoga Tips For Weight Loss : हल्लीच्या लाइफस्टाइलमुळे वजन वाढणे ही बहुतेकांची समस्या झाली आहे. अनियमित आणि चुकीची खाण्यापिण्याची सवय ही वजन वाढीसाठी कारणीभूत ठरत आहे. वाढते वजन अनेक आजारांना निमंत्रण देतात. पण लोकांना वजन कमी करायचे म्हटले तर खाण्यावर नियंत्रण म्हणजे फक्त डाएटींग अशी एक धारणा आहे. त्यामुळे बरेचसे लोक यापासून लांब राहतात. पण हे काही योगासनं आहेत, ज्यामुळे डाएटींग न करता वजनावर नियंत्रण मिळवता येऊ शकतं.

योगचा अभ्यास फक्त शारीरिक नाही तर मानसिक फायदेही देतात. यामुळे संपूर्ण आरोग्यात सुधार होतो.

सूर्य नमस्कार

सूर्याला नमस्काराच्या रुपात सूर्यनमस्कार घातला जातात. सूर्यनमस्कारामुळे शरीरातले फॅट्स बर्न होतात. लवचिकता येते. स्नायू बळकट होतात. कॅलरीज बर्न होतात. शिवाय यामुळे तुमचे मेटाबोलीझमपण सुधारते.

नौकासन

हे आसन पोटाच्या स्नांयूंबरोबरच इतर अवयवांच्या स्नायूंनाही बळकटीही देतात. यामुळे पचन सुधारते शिवाय बेली टोनिंगही होते. यासाठी पाय पसरवून जमीनीवर बसावे. थोडे मागे झुकावे. हात सरळ समोर करावे. पायंना ताठ वर उचलावे आणि सर्व वजन माकड हाडावर पेलावे.

वीरभद्रासन

या आसनामुळे कंबरेचे आणि मांड्यांचे स्नायू बळकट होतात. हे एक शक्तीशाली आसन आहे. यात एका पायावर उभे राहून दुसरा पाय सरळ मागच्या बाजूने वर करत कंबरेत झुकावे. हात सरळ समोरच्या बाजूने ताठ करावे. नजर सरळ असावी. श्वासावर लक्ष ठेवत सामान्य चालू ठेवावा. नंतर दुसऱ्या पायाने हिच कृती करावी.

सेतू बंधासन

हे आसन पाठीचा खालचा भाग, हॅमस्ट्रिंग आणि ग्लूट्सवर केंद्रित आहे. यासाठी आधी पाठीवर झोपावे. पाय गुडघ्यात वाकवून नितंभाजवळ खाली टेकवावे. मान टेकलेली ठेवत पाठ, कंबर वर उचलत हाताने टाचा पकडाव्या. नंतर हात दोन्ही पायाच्या मध्ये नेत एकमेकांत गुंतवावे.

कुंभकासन

या आसनामुळे संपूर्ण शरीराचा व्यायाम होतो. यात हात, पाय, खांदे आणि मांड्या अशा सगळ्याला ताण पोहतचो. या साठी पोटावर ताठ झोपावे. पुश अप्स करतो त्या पोझिशन मध्ये वर उठावे. हात सरळ करावे. कंबर आत. संपूर्ण शरीराची स्थिती उतरती असावी. शक्य तेवढ्यावेळ या स्थितीत थांबावे. हळू हळू स्थिती सोडत जमीनीवर यावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.