Hansika Motwani Wedding Esakal
Hansika Motwani Wedding: बॉलिवूडमध्ये गेल्या अनेक दिवसांपासून ज्या लग्नाची चर्चा सुरू होती ते अखेर पार पडलं. अभिनेत्री हंसिका मोटवानी आपला बॉयफ्रेंड सोहेल कथूरियाशी लग्नबंधनात अडकली. ४ डिसेंबरला हंसिकानं जयपूर येथील मुंडोता फोर्टमध्ये सोहेल सोबत सात फेरे घेतले. नवरीच्या थाटात संजलेल्या हंसिकाचे लग्नातील फोटो व्हायरल झाले आहेत.
आपल्या लग्नात हंसिका खूपच सुंदर दिसत होती. नखशिखांत सजलेल्या हंसिकाचा साजशृंगार पाहण्यासारखा आहे. लग्नात हंसिका मोटवानीने लाल रंगाचा लेहेंंगा परिधान केलेला आहे.तर सोहेल कथुरिया शेरवानीत दिसला.मीडिल पार्टेड हेअर आणि सटल मेकअप यामुळे हंसिकाचं सौंदर्य अजून खुलून आलं आहे. मांगटिका आणि नाकात नथ घालत हंसिकानं ब्राइडल लूक पूर्ण केला होता.गेल्या आठवडाभरापासून हंसिका आणि सोहेल यांच्या लग्नाची तयारी सुरू होती. अभिनेत्रीने तिच्या लग्नाआधीच्या सर्व फंक्शनचे फोटो सोशल मीडियावर शेअर केले होते. मेंहदी आणि संगीत कार्यक्रमात ती खूप सुंदर होती.तिच्या मित्र मंडळीसोबत तिने फोटो काढले आहेत. याआधी हंसिकाच्या प्री-वेडिंग सेलिब्रेशनचे फोटोही व्हायरल झाले होते. हंसिकाच्या लग्नाला फक्त जवळचे नातेवाईक आणि मित्र परिवार उपस्थित होता. सोहेलने हंसिकाला पॅरिसमधील आयफेल टॉवरवर प्रपोज केलं होतं,ज्याचे सुंदर फोटो तिनं इन्स्टाग्राम हॅंडलवर शेअर केले होते. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.