प्रेम जर दोन्ही बाजूंनी असेल तर प्रेमासारखी सुंदर भावना नाही; पण प्रेम एकतर्फी असेल तर त्याच्यासारखं वेदनादायीसुद्धा काहीच नाही. पुढच्या व्यक्तीप्रती कितीही निष्ठा, प्रेम, आदर बाळगला तरी एकतर्फी प्रेम करणाऱ्याच्या पदरी निराशाच पडते. अशा व्यक्ती जगाच्या दृष्टीने मनोरंजनाचं साधन ठरतात आणि लोक त्यांची खिल्ली उडवतं. आधीचं एकतर्फी प्रेमात भरडलेले प्रेमी अशा वागणूकीनं अजून खचून जातात. बऱ्याचदा त्यांच्या मनातील भावनेचा उद्रेक होऊन आत्महत्या, खूण, बलात्कार, ऍसिड हल्ले अशा गंभीर घटना घडतात. म्हणूनच एकतर्फी प्रेमींनी वस्तुस्थितीचा स्वीकार करून काही गोष्टी केल्या, तर त्यांच भविष्यातील जीवन सुलभ होऊ शकते.