जळगाव : ‘न्यूयॉर्क फॅशन वीक- २०२३’ मध्ये आयएनआयएफडी जळगाव इन्स्टिट्यूटमधील फॅशन डिझायनिंगमध्ये शिक्षण घेणाऱ्या दहा विद्यार्थिनी सहभागी होतील.

कोयल कोळी, रुणाली पाटील, अनम खान, स्नेहल ब्राह्मणकर, केशर जोशी, पूनम बोरसे, इशा पाटील, अनुषा मान्सुरी, मानसी महाजन, रोहिणी परित या दहा विद्यार्थिनींची उपक्रमासाठी निवड झाली. १९४३ पासून ‘न्यूयॉर्क फॅशन वीक’ घेण्यात येत आहे. हा शो दर वर्षी फेब्रुवारी आणि सप्टेंबरमध्ये होतो. पुढच्या वर्षी तो १० ते १५ फेब्रुवारीदरम्यान होणार आहे. (10 INIFD jalgaon institutes students selected for New York Fashion Week 2023 jalgaon news)

हेही वाचा : संयुक्त नावावरील गृहकर्जातून होईल प्राप्तीकराची बचत...

या शोसाठी विद्यार्थी स्वदेशी खादी यावर काम करीत आहेत. ‘फॅशननाझिंग फॅब्रिक्स- खादी’ या संकल्पनेनुसार संशोधन करून डिझाइन प्रोसेस, फॅब्रिक क्राफ्टस, कलर्स स्टडी पॅटर्न मेकिंग, ड्रेपिंग, प्रोटोटाईप, गारमेंट कन्स्ट्रक्शन अशा वेगवेगळ्या प्रक्रियेतून काम करीत आहेत.

"भारतातील कलाकुसर व खादीचा प्रचार व प्रसार व्हावा, तसेच विद्यार्थ्यांना स्वावलंबी होण्यासाठी अशा संधी वारंवार मिळत राहिल्या, तर त्यांच्या क्रिएटिव्हीटीला अजून प्रेरणा मिळेल." -संगीता पाटील, संचालिका, आयएनआयएफडी