जळगाव : औद्योगीक वसाहत पोलिस ठाण्याच्या हद्दीत वास्तव्यास असलेल्या १६ वर्षीय मुलीला अनोळखी लोकांशी अनैतिक कृत्य करण्यास भाग पाडल्याचा धक्कादायक प्रकार समोर आला आहे. एमआयडीसी पोलिसांनी तीन भामट्यांना अटक केली आहे. (16 year old girl raped forced to commit immoral act 3 suspects arrested Jalgaon Crime News)

हेही वाचा : ..ही काळजी घ्या नाहीतर खिसा होईल साफ!

७ जानेवारीला सकाळी सातला नितू ऊर्फ जोया राजू बागडे (रा. जळगाव), ज्योती चंद्रकांत सरदार आणि चंद्रकांत शंकर सरदार (दोघे रा. आनंदवाडी, चाळीसगाव) यांनी अल्पवयीन मुलीला चाळीसगाव येथे बोलावून घेतले.

तिला सोडा पाजून वेगवेगळ्या लोकांसोबत अनैतिक कृत्य करण्यास भाग पाडले. त्यानंतर तिला घरी पाठविले. त्यानंतर १० जानेवारीला कपडे व मोबाईल घेऊन देण्याचे आमिष दाखवून त्या मुलीला चाळीसगावला नेले. तिथे २३ फेब्रुवारीपर्यंत रोज रात्री पुन्हा सोड्यात नशेचे द्रव्य पाजून वेगवेगळ्या लोकांसोबत अनैतिक कृत्य करण्यास भाग पाडले.

पोलिस येणार असल्याचे सांगून तिघांनी तिला रेल्वेत बसवून जळगावला पाठविले. घाबरलेल्या अवस्थेत तिने हा प्रकार आईला सांगितले. पीडीत मुलीने आईसह दिलेल्या फिर्यादीवरून एमआयडीसी पोलिस ठाण्यात नितू ऊर्फ जोया राजू बागडे, ज्योती सरदार आणि चंद्रकांत सरदार यांच्याविरोधात गुन्हा दाखल झाला आहे. पोलिस उपनिरीक्षक रवींद्र गिरासे तपास करीत आहेत.