जळगाव : शहरातील रामानंदनगर पोलिस ठाण्याच्या हद्दीत श्रध्दा कॉलनी, समतानगर आणि काव्यरत्नावली चौकातील भाऊंचे उद्यानाच्या पार्किंगमधून अशा तिन वेगवेळ्या ठिकाणाहून अवघ्या बारा तासात तीन मोटारसायकली चोरट्यांनी लंपास केल्या आहेत. (Latest Marathi News)
शहरातील श्रद्धाकॉलनी, ओंकार अपार्टमेंटमध्ये विलास होले (वय ५८) यांच्या घरासमोर उभी दुचाकी (एमएच १९ सीसी ५८४०) गुरूवारी (ता. ७) मध्यरात्री चोरीला गेली. त्यानंतर समतानगर, शिव मंदिराजवळ वास्तव्यास असलेले राजेश सैंदाणे (वय २६) यांच्या मालकीची दुचाकी (एमएच १९. डीएम ७०२१) आदल्या बुधवारी (ता. ६) चोरट्यांनी चोरुन नेली होती. तर, तिसऱ्या गुन्ह्यात अयोध्यानगरातील रहिवासी श्रीकांत कासार (वय ५१) यांची दुचाकी (एमएच १९ सीटी ६२०४) चोरट्यांनी गुरुवारी (ता. ७) संध्याकाळी साडेसात वाजता काव्यरत्नावली चौकातील भाऊंचे उद्यानाच्या पार्किंगमधून चोरुन नेली. रामानंदनगर पोलिस ठाण्यात तीन वेगवेगळ्या तक्रारी दाखल असून तपास पोलिस नाईक विजय खैरे, प्रवीण जगदाळे, संजय सपकाळे करीत आहे.
गस्तीवर प्रश्न
रामानंदनगर पोलिस ठाण्याच्या हद्दीत अवघ्या बारा तासांत तीन मोटारसायकली चोरट्यांनी लंपास केल्या आहेत. त्यापैकी एक पोलिस अधीक्षक निवास्थानाशेजारील भाऊंच्या उद्यानाजवळून चोरीला गेली तर इतर दोघेही तक्रारदारांच्या घरासमोरुन मध्यरात्री लंपास झाल्या आहेत. पोलिस ठाणे हद्दीतील गस्त आणि नाईट पेट्रोलिंगबाबत आता प्रश्न उपस्थीत होत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.