जळगाव : सुप्रिम कॉलनीतील किराणा दुकानात सामान घेण्यासाठी आलेल्या तरूणाने दुकानातील गल्ल्यातून ४ हजारांची रोकड लांबविली होती. या गुन्ह्यातील संशयित कृष्णा चव्हाण याला पोलिसांनी अटक केली आहे. (Latest Marathi News)

पोलिसांनी दिलेल्या माहितीनुसार, शहरातील सुप्रिम कॉलनी विठ्ठल मंदिर चौकात अशोक सुभाष शिंदे (वय २८) हा तरुण किराणा दुकान चालवून उदरनिर्वाह करीत होता. सायंकाळी ७.३० वाजेच्या सुमारास अशोक याचा भाऊ विकास हा दुकानात होता. यावेळी घरात पाणी पिण्यासाठी गेले असता सामान घेण्यासाठी आलेला ग्राहक कृष्णा चव्हाण याने दुकानाच्या गल्ल्यातून ४ हजारांची रोकड लांबविली. या प्रकरणी एमआयडीसी पोलिसात गुन्हा दाखल झाला होता. दरम्यान, पोलिसांनी गुरूवारी (ता. २८) दुपारी ३ वाजता कृष्णा चव्हाण याला अटक केली असून त्याच्याविरुद्ध एमआयडीसी पोलिस ठाण्यात गुन्हा दाखल केला आहे.