Jalgaon Crime News : सावत्र बापानेच आईला मारण्याची धमकी देऊन अल्पवयीन मुलीवर अत्याचार केल्याची घटना शहरातील गांधलीपुरा भागात घडली. (Abuse of daughter by father jalgaon crime news)

नराधमाने पीडित मुलीच्या आईशी दुसरा विवाह केला होता. दीड वर्षांपासून तो, पीडित मुलगी, तिची बहीण व आई असे सर्व एकत्र राहत असे. सावत्र वडील व आई यांच्यात भांडण झाले की तिची आई बाहेरगावी निघून जात असे. रात्रीच्या वेळी तो पीडित मुलीच्या जवळ येऊन तिच्याशी अश्लील चाळे करीत असे.

मुलीने विरोध केल्यानंतर तिला व तिच्या आईला मारण्याची धमकी नराधम देत असल्याने मुलगी भीतीपोटी सहन करीत होती.

हेही वाचा : Credit Card फसवणूक....काय घ्याल काळजी?

२३ एप्रिलला तसेच १५ जुलैला असेच भांडण झाल्यावरून त्याने आपल्या सावत्र मुलीवर बळजबरीने अत्याचार केली. १९ ला मुलीची आई तिच्या आजीसोबत बाहेरगावाहून आल्यानंतर अखेर मुलीने आपबिती त्यांना कथन केली.

अमळनेर पोलिस ठाण्यात फिर्याद दिल्यावरून नराधम बापाविरुद्ध पोक्सो कायदा व बलात्काराचा गुन्हा दाखल करण्यात आला असून, पोलिस निरीक्षक विजय शिंदे यांच्यासह सहायक पोलिस निरीक्षक हरिदास बोचरे तपास करीत आहेत.