जळगाव : नशिराबाद टोलनाक्यावर बनावट पावत्यांद्वारे टोलवसुलीचा प्रकार अतिशय गंभीर आहे. पोलिस तपास करीत आहेत. तपासाअंती संबंधितांवर ठोस कारवाई होईल, अशी माहिती जिल्हाधिकारी अभिजित राऊत यांनी मंगळवारी दिली. (Latest Marathi News)

जिल्हाधिकारी कार्यालयात जिल्हाधिकारी राऊत यांच्या अध्यक्षतेखाली रस्ता सुरक्षा समितीची मंगळवारी बैठक झाली. या वेळी आयुक्त डॉ. विद्या गायकवाड, ‘न्हाई’चे संचालक चंद्रकांत सिन्हा, आरटीओ श्याम लोही आदी अधिकारी उपस्थित होते. बैठकीत रस्ता सुरक्षेबाबत आढावा घेण्यात आला.

नशिराबाद टोलनाक्यावर बनावट पावत्यांद्वारे टोलवसुली होत असल्याची तक्रार प्राप्त झाल्यानंतर पोलिस अधीक्षक डॉ. प्रवीण मुंढे यांच्यासह पथकाने २१ जुलैला पडताळणी केली. या वेळी हा प्रकार आढळून आला. दरम्यान, टोल पावतीच्या बोगस मशिन जप्त केली. या प्रकरणी पोलिस तपास करीत आहेत. तपासाअंती संबंधितांवर ठोस कारवाई होईल, अशी माहिती जिल्हाधिकारी राऊत यांनी दिली.