जळगाव : गोविंदा आला रेऽऽ आला..चा जयघोष.. भक्तांचा दांडगा उत्साह.. एकावर एक अशा चित्तथरारक थरांचे प्रात्यक्षिक.. ढोल-ताशे, डीजेचा कंपणं निर्माण करणारा दणकेबाज आवाज.. त्यावर थिरकणारी तरुणाई.. रंगबिरंगी दिव्यांचा लखलखाट.. अशा चैतन्यमयी वातावरणात शुक्रवारी दहीहंडीचा उत्सव साजरा करण्यात आला. (After 2 years experience thrill of layers Jalgaon Latest marathi news)

कोरोनामुळे दोन वर्षे हा उत्सव सार्वजनिक स्वरूपात होऊ शकला नव्हता. यंदा या दोन वर्षांतील साचलेल्या उत्साहाचा अनुशेष भरून काढत कृष्णभक्त गोविदांनी धूम उडवून दिली. सागर पार्क, काव्यरत्नावली चौक, नवीपेठ आणि मानाची हंडी असलेल्या सुभाष चौकात थरांचा थरारही यानिमित्ताने अनुभवायला मिळाला. त्यातही काव्यरत्नावली चौकात युवाशक्तीची तरुणींनी फोडलेली दहीहंडी आकर्षण अन्‌ कौतुकाचा विषय ठरली. या तीनही दहीहंडी रात्री साडे नऊ वाजेपर्यंत फुटू शकल्या नाही. उशिरापर्यंत त्यांना फोडण्याचे प्रयत्न सुरु होते.