जळगाव : पिंप्राळा उड्डाण पुलाच्या पिंप्राळ्याकडे जाण्यासाठी ‘आर्म’ रस्त्याच्या जागा भूसंपादनात अडचणी निर्माण झाल्याने पुलाच्या ‘आर्म’च्या नकाशात थोडा बदल करण्यात येणार आहे. याबाबत सोमवारी (ता. २३) बैठक घेण्यात येणार आहे.
पिंप्राळा रेल्वे उड्डाणपुलाचे काम वेगात सुरू आहे. मात्र, पुलाच्या पिंप्राळ्याकडे जाण्यासाठी वळण रस्ता तयार करण्यात येणार आहे. त्यासाठी पिंप्राळा रेल्वे गेटजवळील खासगी जागा भूसंपादित करण्यात येणार आहे. मात्र, ही जागा भूसंपादन केल्यावरही विशेष चढण रस्त्यासाठी मोठी अडचण होणार आहे. त्यामुळे पुलाच्या मुळ नकाशात थोडा बदल करणे गरजेचे झाले आहे. या पुलाच्या नकाशात आवश्यक तो किरकोळ बदल करून तो नकाशा रेल्वे प्रशासनाला देण्यात येणार आहे. याबाबत महापालिकेतर्फे निर्णय घेण्यात येणार असून, यासंदर्भात सोमवार (ता. २३) बैठक होणार आहे. महापालिका आयुक्त श्रीमती विद्या गायकवाड, महापौर जयश्री महाजन, उपमहपौर कुलभूषण पाटील तसेच अधिकारी बैठकीला उपस्थित राहणार आहेत.
''पिंप्राळा उड्डाणपुलाच्या ‘आर्म’ रस्त्यासाठी जागा भूसंपादित करण्यात येत आहे. मात्र, त्यामुळे पुलाला काही अडचणी येत आहे. पुलाच्या नकाशात किरकोळ बदल करून तो रेल्वे प्रशासनाला सादर करण्यात येणार आहे.'' - कुलभूषण पाटील, उपमहापौर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.