जळगाव - व्हिडिओ (Video) तयार करून इस्टाग्रामवर (Instagram) टाकत असल्याच्या रागातून सोळा वर्षाच्या मुलाला (Child) तीन ते चार जणांच्या टोळक्याने (Gang) लोखंडी रॉडने मारहाण (Beating) करून जखमी केल्याची घटना घडली. शाहदाब गफ्फार मणियार (१६ रा. टिपू सुलतान चौक, तांबापुरा) असे गंभीर जखमीचे (Injured) नाव आहे. जखमीच्या जबाबावरून हल्लेखोरांविरुद्ध गुन्हा (Crime) दाखल करण्यात आला आहे.

शाहदाब गफ्फार मणियार हा त्याच्या स्वतःच्या मोबाईलमध्ये व्हिडिओ तयार करून ते इस्टाग्रामवर अपलोड करत असतो. त्याने तयार केलेल्या व्हिडिओचा समीर हनिफ काकर या तरुणाला राग होता. त्यामुळे त्याने शाहदाबकडे खुनशी नजरेने बघत त्याला दमदाटी केली होती. शुक्रवारी (ता. ११) फेब्रुवारीच्या रात्री समीर काकर व त्याच्या इतर साथीदारांनी त्याला घराबाहेर बोलावले.

शाहदाब घराबाहेर येताच त्याला समीर काकर याने हातातील लोखंडी रॉडने हल्ला चढवून जबर मारहाण केली. जखमी शादाबचा जबाब नोंदवल्यावर समीर काकर व त्याच्या इतर साथीदारांविरुद्ध एमआयडीसी पोलिस स्टेशनला गुन्हा दाखल करण्यात आला आहे. दाखल गुन्ह्यात एमआयडीसी पोलिसांनी समीर काकर याला अटक केली असून त्याच्या साथीदारांचा शोध सुरू आहे.