Jalgaon News : शहरातील नंदनवन कॉलनी परिसरात तारा हॉस्पिटलसमोरून शतपावली करीत असताना, एका महिलेच्या गळ्यातील ६५ हजार रुपयांचे सोन्याचे मंगळसूत्र दुचाकीवरून आलेल्या दोघांनी धूमस्टाईलने लांबविले.

रिंग रोड परिसरातील फॉरेस्ट कॉलनीतील ज्योती विजय शिरसाठ (वय ३८) नेहमीप्रमाणे भारती प्रवीण पाटील यांच्यासोबत शुक्रवारी (ता. २६) रात्री दहाला शतपावली करण्यासाठी निघाल्या. (Breaking Mangalsutra Stealth spread Jalgaon Crime News)

नंदनवन कॉलनीत तारा हॉस्पिटलसमोरून जात असताना, मागून दोन अज्ञात चोरटे दुचाकीवर येऊन ज्योती शिरसाठ यांच्या गळ्यातील ६५ हजारांची सोन्याची पोत जबरी हिसकावून फरारी झाले.

त्यांनी आरडाओरड केली. मात्र, तोपर्यंत चोरटे पसार झाले होते. याबाबत ज्योती शिरसाठ यांनी शनिवारी (ता. २७) दुपारी बाराला दिलेल्या तक्रारीवरून जिल्हापेठ पोलिस ठाण्यात गुन्हा दाखल झाला आहे.

हेही वाचा : Credit Card फसवणूक....काय घ्याल काळजी?