पाचोरा (जि. जळगाव) : येथील भडगाव रोड भागातील राजराजेश्वरी कॉलनीतील पंकज पाटील यांच्या घराचा मागील दरवाजा उघडून चोरट्यांनी (thieves) अडीच लाख रुपये किमतीचे दागिने (jewelry) लांबवले. पोलिसांनी या घटनेची नोंद केली आहे. (Burglary at Pachora Jalgaon Crime News)

पंकज पाटील व त्यांचे कुटुंबीय घरात झोपले असताना चोरट्यांनी मागच्या दारास ड्रिलने होल पाडून अलगद कडी उघडून घरात प्रवेश केला व घरातील कपाटात ठेवलेले अडीच तोळे सोन्याचे दागिने व पर्समधील पाचशे रुपये रोख असा ऐवज लांबवला. पोलिसांनी श्वानपथक तसेच ठसे तज्ज्ञांना पाचारण करून चोरट्यांचा माग काढण्याचा प्रयत्न केला. पोलिस निरीक्षक किसनराव नजन-पाटील, उपनिरीक्षक योगेश गनगे, सहाय्यक फौजदार रामदास चौधरी यांनी पाहणी करून चोरट्यांविरुद्ध गुन्हा नोंदवला आहे.