Jalgaon Bypoll Election : जिल्ह्यातील ८२ ग्रामपंचायतींमधील ९७ सदस्यांच्या जागांसाठी पोटनिवडणूक जाहीर झाली आहे. २५ एप्रिल ते २ मेदरम्यान उमेदवारी अर्ज विक्री व स्वीकृती होणार आहे. (Bypoll elections of 82 gram panchayats announced jalgaon news)

३ मेस अर्जांची छाननी, तर ८ मेपर्यंत माघार घेता येणार आहे. १८ मेस मतदान, तर १९ मेस मतमोजणी होणार आहे. जिल्ह्यातील ८२ ग्रामपंचायतींमधील एका सरपंचासह ९७ सदस्यांच्या जागांसाठी पोटनिवडणुकीची प्रक्रिया सुरू झाली आहे.

जिल्ह्यात आगामी काळात १६८ ग्रामपंचायतींच्या निवडणुका होणार आहेत. या पार्श्वभूमीवर ग्रामपंचायतींच्या प्रभागरचनेला विभागीय आयुक्तांनी मंजुरी दिली आहे.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

महसूल उपजिल्हाधिकारी शुभांगी भारदे, ग्रामपंचायत विभागाच्या नायब तहसीलदार दीपाली काळे आदींनी ग्रामपंचायतींची प्रभागरचना आयुक्तांसमोर सादर केली.

तत्पूर्वी ३४ ग्रामपंचायतींमधील हरकतींवर संबंधित प्रांताधिकाऱ्यांनी केलेल्या निवाड्यांचीही माहिती देण्यात आली. त्यानुसार आयुक्त कार्यालयाने या प्रभागरचनेला अंतिम मंजुरी दिली आहे. २५ एप्रिलला प्रभागरचना प्रत्येक ग्रामपंचायत कार्यालयात प्रसिद्ध केली जाणार आहे.