NMU MSW Entrance Exam : विद्यापीठाच्या संकेतस्थळावर ऑनलाईन प्रवेश अर्ज उपलब्ध असून, ऑनलाईन अर्ज भरण्याची अंतिम तारीख २२ जुलै आहे.

२३ जुलैला अर्ज स्वीकृती केंद्रावर ऑनलाईन फी भरल्याची पावती आणि शैक्षणिक कागदपत्रे जमा करावयाचे आहेत. (Change in Date of NMU MSW Entrance Test Jalgaon news)

कवयित्री बहिणाबाई चौधरी उत्तर महाराष्ट्र विद्यापीठाशी संलग्नित समाजकार्य महाविद्यालय आणि विद्यापीठातील समाजकार्य विभागातील ‘एमएसडब्ल्यू’ अभ्यासक्रमाच्या प्रवेशासाठी ३० जुलैला होणारी सामाईक प्रवेश प्रक्रिया आता २७ जुलैला होणार आहे.

शासनाचे विद्यापीठ व महाविद्यालयातील वर्ग त्वरित सुरू करण्याचे आदेश असल्याने ‘एमएसडब्ल्यू’ची सामाईक प्रवेश परीक्षा २७ जुलैला घेतली जाणार आहे.

हेही वाचा : Credit Card फसवणूक....काय घ्याल काळजी?

त्याच दिवशी प्रवेशाला पात्र झालेल्या विद्यार्थ्यांची तात्पुरती यादी जाहीर होईल. २४ जुलैला लेखी स्वरूपात सायंकाळी साडेसातपर्यंत हरकती मागविल्या आहेत.

२५ जुलैला परीक्षेसाठी पात्र विद्यार्थ्यांची अंतिम यादी जाहीर होईल. त्याच दिवशी विद्यार्थ्यांना ऑनलाईन हॉल तिकीट मिळतील.

२७ जुलैला लेखी परीक्षा होणार असून, ३० जुलैला निकाल व महाविद्यालयांची यादी जाहीर होईल. ३१ जुलैला विद्यार्थ्यांनी महाविद्यालयात प्रवेश घ्यावे, अशी माहिती विद्यापीठाच्या प्रवेश पात्रता विभागाकडून देण्यात आली आहे.