जळगाव : जिल्ह्यात कोरोनाचा संसर्ग (Corona infection) कमी होत असून दोन महिन्यांनंतर सक्रिय रुग्णांची संख्या (Number of patients) आठ हजारांच्या जवळपास आली आहे. शनिवारी जिल्ह्यात ४०५ नवे रुग्ण आढळून आले, तर ८७५ बरे झाले. दिवसभरात नऊ जणांचा मृत्यू (death) झाला.

(jalgaon city corona infection control)

जळगाव जिल्ह्यात या महिन्याच्या सुरवातीपासून रुग्णसंख्या झपाट्याने कमी होत आहे. शनिवारी प्राप्त अहवालानुसार २४ तासांत साडे आठ हजारांवर चाचन्याचे अहवाल प्राप्त झाले त्यात ४०५ नवे रुग्ण समोर आले. एकूण रुग्णसंख्या एक लाख ३७ हजार ९५१ झाली आहे. तर ८७५ रुग्ण दिवसभरात बरे झाल्यानंतर बरे होणाऱ्यांचा आकडाही एक लाख २७ हजार १६७ वर पोचला आहे. रिकव्हरी रेट आता ९२. १८ टक्क्यांपर्यंत आहे. २४ तासांत नऊ रुग्णांचा मृत्यू झाला, एकूण बळींचा आकडा दोन हजार ४७८ झाला आहे.

हॉटस्पॉट जळगाव शहर नियंत्रणात

जळगाव शहरात गेल्या तीन-चार महिन्यापासून मोठ्या प्रमाणात रुग्ण संख्या होती. परंतू गेल्या महिन्याभरापासून रुग्ण संख्या झपाट्याने खाली येत आहे. गेल्या दोन तिन महिन्यात रुग्णांची आकडेवारी २५० ते ३०० च्या घरात येत होती. परंतू आता वीसच्या घरात ही आकडेवारी आली आहे. त्यामुळे जळगाव शहरातील कोरोना नियंत्रणा आला आहे. परंतू जामनेर, चोपडा, चाळीसगाव येथील रुणसंख्या कमी होत नसल्याचे दिसत आहे.

असे आढळले रुग्ण

जळगाव शहर- १६, जळगाव ग्रामीण- ८, भुसावळ- ३३, अमळनेर- २३, चोपडा- ३६, पाचोरा- २८, भडगाव- २, धरणगाव- १४, यावल- २२, एरंडोल- २५, जामनेर- ४८, रावेर- ३१, पारोळा- १७, चाळीसगाव- ५५, मुक्ताईनगर- ८, बोदवड- २३. इतर जिल्हा- १०