जळगाव : शहरातील खंडेरावनगर भागात गावठी पिस्तूल (Pistol) घेउन तरुण हिंडत असल्याची गुप्त माहिती मिळाल्यावरुन गुन्हे शाखेच्या पथकाने पिस्तुलासह संशयिताला अटक केली आहे. (criminal arrested with pistol Jalgaon Crime News)

स्थानिक गुन्हे शाखेचे निरीक्षक किरणकुमार बकाले यांना गुप्त बातमीदाराने कळवले, की खंडेरावनगरात एक तरुण कंबरेला पिस्तूल लावून फिरत आहे. गुन्हे शाखेच्या पथकातील सुधाकर अंबोरे, महेश महाजन, विजय पाटील, प्रीतम पाटील अशांच्या पथकाने संशयिताचा शोध घेत अश्विन विजय हिरे (वय २०) याला ताब्यात घेतले. अंगझडती घेतल्यावर त्याच्या जवळ गावठी बनावटीचे पिस्तूल आढळून आले असून त्याच्याविरुद्ध रात्री रामानंदनगर पोलिसांत गुन्हा दाखल करण्यात आला आहे.