Jalgaon Crime News : तालुक्यातील दीपनगर औष्णिक वीजनिर्मिती केंद्रात साहित्याच्या चोरीसह दगडफेक करून दोघा सुरक्षारक्षकांना जखमी करणाऱ्या संशयित तीन अनोळखी हल्लेखोर तथा चोरट्याविरुद्ध भुसावळ तालुका पोलिस ठाण्यात गुन्हा दाखल करण्यात आला आहे.(Deepnagar theft by throwing stones on security guards jalgaon crime news)

फेकरी रेल्वे क्रॉसिंगनजीक दीपनगर प्लांटकडून बुधवारी (ता.६) रात्री सव्वा दोन ते पावणे तीनच्या सुमारास भुसावळच्या दिशेने जाणाऱ्या एमटी रॅकमध्ये कोणीतरी अज्ञात चोट्याने दीपनगर प्लांट परिसरातून रेल्वे वॅगनमध्ये नऊ लोखंडी साईट डोअर चोरी करून आणले होते.

त्या चोरीच्या लोखंडी ९ डोरकडे वीज केंद्राचे कनिष्ठ सुरक्षा अधिकारी अनिकेत काणेकर यांचे लक्ष गेले. त्यामुळे त्यांनी आपल्या सहकाऱ्यांच्या मदतीने ते डोअर त्यांच्या ताब्यातील वाहनात लोड करून लागले. त्याच वेळी एक लाल काळ्या रंगाची विना क्रमांकाच्या पल्सरने तिघे अनोळखी इसम आले.

आलेल्या तिघांनी अंधारात सुरक्षा अधिकारी अनिकेत कानेकर व त्यांच्या साथीदारांवर दगडफेक सुरू केली. या झटापटीत दगडफेकीत जखमी दिलीप वराडे व राजेंद्र पाटील या दोघांचे मोबाईल त्यांनी हिसकवले. या घटनेप्रकरणी तीन अनोळखी व्यक्तींविरुद्ध भुसावळ तालुका पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक पूजा अंधारे करीत आहेत.