Jalgaon Crime News : बहादरपूर (ता. पारोळा) येथे एकाने कुत्र्याला दोरीने फास देऊन ट्रॅक्टरच्या ट्रॉलीला बांधून लेंडीनाल्याच्या किनारी फेकून दिल्याप्रकरणी पोलिस पाटील यांच्या फिर्यादीवरून गुन्हा दाखल करण्यात आला आहे. (dog killed by person jalgaon crime news)

सोमवारी (ता. २१) सायंकाळी चारच्या सुमारास बहादरपूर (ता. पारोळा) गावी लेंडीनाला किनारी दूध डेअरीजवळ वडाच्या झाडाखाली दिलीप भीमराव पारधी (रा. बहादरपूर, ता. पारोळा) याने गावातील मोकाट फिरणाऱ्या कुत्र्यास दोरीच्या साहाय्याने फाशी देऊन ट्रॉलीच्या अँगलला बांधून फरफटत नेऊन निर्दयतेने मारले.

या प्रकरणी ज्योती किरण चौधरी (वय ४१) यांच्या फिर्यादीवरून पारोळा पोलिस ठाण्यात गुन्हा दाखल करण्यात आला आहे. पोलिस कर्मचारी संदीप सातपुते तपास करीत आहेत.

हेही वाचा : Credit Card फसवणूक....काय घ्याल काळजी?