Jalgaon Accident News : जळगाव-औरंगाबाद महामार्गावर उमाळा बसथांब्यासमोर कारचालकाचे नियंत्रण सुटल्याने कारने रिक्षास जबर धडक दिली. (Driver dies in car rickshaw accident jalgaon news)

या अपघातात रिक्षाचालक ठार झाला, तर प्रवासी जखमी झाला. याप्रकरणी एमआयडीसी पोलिसांत अनोळखी चालकाविरोधात गुन्हा दाखल झाला.

शहरापासून काही अंतरावर असलेल्या उमाळा गावाच्या बसथांब्यासमोर भरधाव येणाऱ्या कारने (एमएच ०२ बीआर ४३९१) प्रवासी रिक्षाला (एमएच १९ व्ही ३७६) जोरदार धडक दिल्याने रिक्षाचालक राजू ओमप्रकाश साहू (वय ४५) जागीच ठार झाला, तर रिक्षातील प्रवासी जखमी झाले.

हेही वाचा : Credit Card फसवणूक....काय घ्याल काळजी?

त्यांच्यावर रुग्णालयात उपचार सुरू आहे. रिक्षाचे मोठे नुकसान झाले. याप्रकरणी अनोळखी कारचालकाविरोधात साहू यांनी दिलेल्या फिर्यादीवरून गुन्हा दाखल झाला. पोलिस उपनिरीक्षक अनिस शेख अधिक तपास करीत आहे.