जळगाव : महाराष्ट्र लोकसेवा आयोगाच्या (राजपत्रित ) २०२० ला घेण्यात आलेल्या २०० जागांसाठीच्या परीक्षांचे अंतिम निकाल आज जाहीर झाले. यात दीपस्तंभ फाऊंडेशन मनोबलच्या विविध वर्गांमध्ये प्रशिक्षण घेतलेल्या आठ विद्यार्थ्यांनी महाराष्ट्र लोकसेवा आयोगाच्या परीक्षेत यशाची पताका फडकावली आहे.

दिव्यांग आरक्षणातून महाराष्ट्रातून पहिला विनोद चौधरी यांची कक्षाधिकारीपदी, प्रज्ञाचक्षू अभिजित कुंभार यांची उपशिक्षणाधिकारी पदी निवड झाली आहे. अनाथ आरक्षणातून महाराष्ट्रातून पहिला आलेला संतोष मांडवे याची नायब तहसिलदार पदी निवड, इतर संवर्गातून नायब तहसीलदार पदी शशिकांत बाबर, सोनाली पाटील, प्रांजल पवार, गोकुळ भरडिया, निकिता गद्रे यांची निवड झाली आहे. दिव्यांग व अनाथ विदयार्थ्यानी मिळवलेले हे यश अत्यंत प्रेरणादायी असल्याची भावना यजुर्वेंद्र महाजन यांनी व्यक्त केली.