कळमसरे : गोवर्धन ता.अमळनेर येथील जिल्हा परिषदेच्या प्राथमिक शाळेत शिक्षक मनवंतराव भीमराव साळुंखे हे गोरगरीब विद्यार्थ्यांसाठी शाळा बंद शिक्षण सुरु अंतर्गत सतत " विद्या वरदान " उपक्रम राबवितात. त्या अंतर्गत मागे याच बालकांना त्यांनी स्वयंअध्ययनासाठी परिपुर्ण प्राथमिक शैक्षणिक साहित्य वाटप केले होते.

त्यावेळी विद्यार्थ्यांचा उत्साह वाढावा या हेतुने त्यांचे प्रयत्न सुरु असतात. यावर्षी पालकांबरोबर ऊसतोड कामावर न जाता शाळा उघडली तर शाळेत जावु ,किंवा शिक्षकांच्या मदतीने अभ्यास करू हे सांगितल्यावर साळुंखे यांनी त्यांना अधिक प्रोत्साहन मिळावे यासाठी सुंदर स्पोर्ट प्रकारातील गणवेश भेट देण्याचे ठरविले .

शिक्षक श्री.साळुंखे यांनी त्यांचे मित्र पारोळा येथील आकाश मॉलचे संचालक अल्पेश जैन यांच्या जवळ ही संकल्पना मांडली . त्यांनी नेहमी प्रमाणे उदार दातृत्व दाखवत निआ एजन्सीचे संचालक विक्रांत उर्फ विक्की लुणावत यांनी गोवर्धन येथील जिल्हा परिषदेच्या प्राथमिक शाळेत शिक्षण घेणारे ८२ विद्यार्थ्यांना स्पोर्ट गणवेश भेट दिली.

या कार्यक्रमाला पारोला येथील जळगाव जिल्हा पोलीस महिला दक्षता समितिच्या सदस्या चित्रा साळुंखे , पारोळा तालुकाध्यक्ष कुस्ती मल्लविद्या महासंघ महाराष्ट्र सिद्धराज साळुंखे ,यांच्या हस्ते हे गणवेश वाटप करण्यात आले.

उपक्रमाला गोवर्धनचे उपसरपंच प्रविण पाटील , सामाजिक कार्यकर्ते रामकृष्ण पाटील , दिपक पाटील , नरेंद्र पाटील , गोवर्धन शाळा व्यवस्थापन अध्यक्ष सरदार गायकवाड , उप शिक्षिका कल्पना सनांन्से उपस्थित होते. मनवंतराव साळुंखे यांनी सर्व मान्यवरांचे आभार मानले .