Jalgaon News : मुळ छत्रपती संभाजीनगर (औरंगाबाद) येथील रहिवासी, विद्यार्थिनी जळगावात वैद्यकीय शिक्षणासाठी आली आहे. या विद्यार्थिनीचा एका माथेफिरू तरुणाने सतत पिच्छा पुरविला. पीडितेला हॉटेलवर बोलाविण्यासाठी तब्बल ३१ वेळा फोन केले.

वैद्यकीय शिक्षणासाठी छत्रपती संभाजीनगर येथील एक विद्यार्थिनी जळगाव शहरातील रामानंदनगर पोलिस ठाणे हद्दीतील वसतिगृहात राहते. (Future doctor young woman harassed by headstrong young man Jalgaon Crime News)

या तरुणीचा मोबाईल क्रमांक मिळवून रवींद्र खेडकर अनेक दिवसांपासून तिला त्रास देत होता. बुलेटवरून तिचा सतत पिच्छा पुरवून छेड काढणे, अंगलट करण्याचा प्रयत्न करीत होता.

‘मला हॉटेलवर भेटायला ये’, असे म्हणत तब्बल ३१ वेळा फोन केला. याबाबत पीडितेने दिलेल्या तक्रारीवरून रामानंदनगर पोलिस ठाण्यात संशयित रवींद्र खेडकर याच्याविरुद्ध विनयभंगाचा गुन्हा दाखल झाला आहे. पोलिस नाईक सुनील पाटील तपास करीत आहे.

हेही वाचा : Credit Card फसवणूक....काय घ्याल काळजी?