Girish Mahajan News : आधी तुमच्याकडेच सर्व पदे होती, सर्व मुक्ताईनगर तुमच्या खिशात होते, आता राहिले काय?, असा टोला ग्रामविकासमंत्री गिरीश महाजन यांनी आमदार एकनाथ खडसे यांना लगावला आहे. (girish mahajan comment on eknath khadse about muktainagar jalgaon news)

नजमा तडवी यांनी नगराध्यक्षपदाची सूत्रे पुन्हा स्वीकारल्यानंतर ते पत्रकारांशी बोलत होते.

या वेळी मंत्री महाजन यांनी एकनाथ खडसेंवर जोरदार हल्ला चढवला. ते खडसेंना उद्देशून म्हणाले, की जनता आता भारतीय जनता पक्षासोबत आहे. तुम्ही स्वार्थासाठी पक्ष, निष्ठा बदलवाल तर ते जनतेला मान्य नाही.

हेही वाचा : Credit Card फसवणूक....काय घ्याल काळजी?

तुमच्याकडे सर्व पदे होती, संपूर्ण मुक्ताईनगर तुमच्या खिशात होते.

परंतु आज कोथळी सरपंचपद, नगराध्यक्ष, दूध संघ, जिल्हा बँक, सर्वच हातातून गेले आहे. त्यामुळे आता राहिले तरी काय, त्यामुळे चिंतन करण्याची वेळ आली आहे, असा खरमरीत टोलाही महाजन यांनी लगावला.